Aýdandaǵy atqaminerler aýyzdy aıamaı salypty

Pavlodar oblystyq qarjy polıseıleri Pavlodar aýdandyq ákimdiginiń laýazymdy tulǵalaryna qatysty qylmystyq is qozǵady.

Qarap tursań, qoldy bolǵan qarajattyń qarasy bólek. Ol artyq-kemi joq 133,6 mln. teńgeni quraıdy. Aýdandaǵy atqaminerlerdiń bıýdjettiń osynshama qarjysyna qymsynbaı qol sala alǵanyna bir jaǵy qatty qaıran qalasyń. Olarǵa Pavlodar aýdandyq sáýlet, qurylys jáne qala qurylysy bóliminiń bastyǵymen aldyn ala qylmystyq kelisimge kele otyryp, «Aq bulaq», «Balapan» jáne «Jumyspen qamtý-2020» memlekettik baǵdarlamalaryna bólingen qarjyny talan-tarajǵa saldy degen kúdik tańylyp otyr.

Pavlodar oblystyq qarjy polıseıleri Pavlodar aýdandyq ákimdiginiń laýazymdy tulǵalaryna qatysty qylmystyq is qozǵady.

Qarap tursań, qoldy bolǵan qarajattyń qarasy bólek. Ol artyq-kemi joq 133,6 mln. teńgeni quraıdy. Aýdandaǵy atqaminerlerdiń bıýdjettiń osynshama qarjysyna qymsynbaı qol sala alǵanyna bir jaǵy qatty qaıran qalasyń. Olarǵa Pavlodar aýdandyq sáýlet, qurylys jáne qala qurylysy bóliminiń bastyǵymen aldyn ala qylmystyq kelisimge kele otyryp, «Aq bulaq», «Balapan» jáne «Jumyspen qamtý-2020» memlekettik baǵdarlamalaryna bólingen qarjyny talan-tarajǵa saldy degen kúdik tańylyp otyr.

Aıta keteıik, ótken jylǵy qarashada Pavlo­dar aýdandyq sáýlet, qurylys jáne qala qury­lysy bóliminiń bastyǵy Kópeshevke osy aý­dan­­nyń Zarıa aýylyndaǵy eki páterli úıdiń ın­je­nerlik-kommýnıkasııalyq ınfraqurylymy ak­tıvterin zańsyz aldy degen aıyp taǵylǵan bolatyn. Al bıylǵy jyldyń 16 qańtarynda oǵan qa­tysty «Jumyspen qamtý-2020» memlekettik baǵ­darlamasyn júzege asyrý barysynda qyzmettik ókilettigin paıdalanyp, bıýdjet qarajatyn urlaý faktisi boıynsha birneshe qylmys qozǵaldy. Bul joly aýdandaǵy birqatar aýylda 6 páterli úıdi jáne elektrmen jabdyqtaýǵa arnalǵan ınjenerlik-kommýnıkasııalyq ınfraqurylymdy satyp alýǵa bólingen 98,8 mln. teńgeni jumys­tar­dyń oryndalýy týraly jalǵan aktiler jasaý arqyly alǵan degen aıyp taǵylýda.

Taǵy bir derek, bıylǵy 16 qańtarda aýdandyq sáýlet, qurylys jáne qala qurylysy bóliminiń bas mamany G.Arystanbekovaǵa qatysty da qyl­mystyq is qozǵaldy. Oǵan 2009 jyly atal­ǵan bólimniń bastyǵy mindetin atqarý kezin­de «Balapan» memlekettik baǵdarlamasy aıasynda Chernoreskoe aýylyndaǵy balabaqshany jań­ǵyrtýǵa bólingen 1,1 mln. teńgeden astam qarjyny jumystardyń oryndalý aktisine jalǵan málimetter engizý arqyly urlady degen aıyp taǵylǵan.

Qazir qylmystyq isti tergeý amaldary júrip jatyr.

Qurysh NURYMBET.