Jergilikti BAQ-tyń habarlaýynsha, Japonııanyń bıleýshi Lıberaldy-demokratııalyq partııasynyń (LDP) basshysy laýazymyna Sanae Takaıtıdiń kandıdatýrasyna eldiń burynǵy Premer-Mınıstri Sındzo Abe qoldaý bildirdi.
Abe tarapynan qoldaý Takaıtıdiń partııanyń kórnekti múshelerinen 20 usynys alý múmkindigin arttyrdy, bul partııa basshysy laýazymyna kandıdatýrany usynýdyń qajetti sharty bolyp tabylady.
Úkimet jarysyna qatysqysy keletin taǵy bir áıel Seıko Noda - burynǵy Ishki ister mınıstri, ol sonymen birge áıelderdiń múmkindikterin keńeıtý mınıstri qyzmetin atqardy.
Ol 2015 jyly LDP prezıdenttigine úmitker bolǵysy kelgeni týraly habarlanǵan, biraq oǵan qajet 20 qoldaýshy jetispedi.
Buǵan qaramastan. olardyń jetistikke jetý múmkindigi óte tómen dep baǵalanady. Reuters agenttiginiń habarlaýynsha, japondyq saılaýshylar kelesi Premer-Mınıstr laýazymyna Covid-19 vaksınasııasy mınıstri Taro Kononyń kandıdatýrasyn erekshe qoldaıdy. Alaıda Kononyń ózi basqarýshy LDP basshylyǵyna qol jetkizý nıetin rastamaı, sheshim qabyldamas buryn partııadaǵy áriptesterimen keńeskisi keletinin jýrnalısterge aıtty.
Burynǵy Qorǵanys mınıstri Shıgerý Isıba jáne LDP saıasatynyń jetekshisi Hakýbýn Sımomýra da óz kandıdatýralaryn usyndy. Burynǵy Syrtqy ister mınıstri Fýmıo Kısıda da saılanýdy josparlap otyr.
Eske sala ketsek, 3 qyrkúıekte Japonııanyń qazirgi Premer-Mınıstri Esıhıde Sýga eldegi epıdahýalǵa baılanysty otstavkaǵa ketetinin málimdedi.
