Atqarylatyn jumystar aýqymdy

Basqosý barysynda qýǵyn-súrginge ushyraǵan, sot organdary aqtaǵan tulǵalarǵa qatysty mura­ǵattyq qylmystyq isterdi jınaq­taý, aqtaýǵa jatpaıtyn aza­mattarǵa qatysty derekterdi tek­serý, basqa óńirlerge jer aýda­­rylǵandar jóninde málimet­ter­men almasý sekildi mańyzdy máse­leler talqylandy. Atap aıt­­qanda, jumys tobynyń jetek­shileri jıyn barysynda 372 kóterilisti basý barysynda sot­syz jáne tergeýsiz atylyp ketken, sondaı-aq osy kóterilisterge qa­tysqany jáne qoldaǵany úshin qýǵyn-súrginge ushyraǵan saıası qýǵyn-súrgin qurbandary týraly aqparattardy anyqtaý kezinde týyndap otyrǵan kedergiler jaıly málimdep, materıaldar jınaý kezinde jumys tájirıbesimen alma­sýdyń mańyzdylyǵy jó­ninde oı-pikirlerin ortaǵa saldy.

Semınarda Saıası qýǵyn-súr­gin qurbandaryn tolyq aqtaý jónindegi memlekettik komıs­sııa­nyń múshesi Sabyr Qasymov, Almaty qalasy ákiminiń orynbasary, saıası qýǵyn-súrgin qur­bandaryn aqtaý jónindegi qalalyq komıssııanyń tóraǵasy Erjan Babaqumarov arnaıy qurylǵan komıssııanyń osy ýaqytqa deıin atqarǵan jumystaryna egjeı-tegjeıli toqtalsa, memlekettik komıssııa jumys tobynyń jetekshisi, tarıh ǵylymdarynyń doktory, UǴA qurmetti akademıgi Talas Omarbekov jumys toby quramyna engen ǵalymdardyń qupııa qujattarmen jumys júr­gizý kezinde anyqtaǵan tyń derekterine toqtala kelip, 1929-1931 jyldary Qazaqstanda 372 ret sharýalardyń buqaralyq bas kóterýleri bolǵany jóninde tarıhı málimetterdi qaıta jańǵyrtty.

Almaty qalalyq komıssııasy jumys tobynyń jetekshisi Sholpan Zabıh osy kúnge deıin aqtalmaǵan birqatar kóteriliske qatysýshylardyń anyqtalǵanyn aıtsa, Túrkistan oblysy boıynsha jumys tobynyń jetekshisi, tarıh ǵylymdarynyń doktory Hazretáli Tursyn Keńes óki­metiniń aýylsharýashylyq refor­malary kezindegi saıası qýǵyn­daý saıasatynyń saldarlary­na toqtaldy. Al 1928-1933 jyl­dardaǵy Jetisý óńirindegi sharýa kóterilisteriniń sebep-saldary men erekshelikterine saraptama ja­saǵan Almaty oblystyq komıssııasy jumys tobynyń jetekshisi Erkin Stamshalov bul aımaqtaǵy sharýalar kóterilisteri aýqymy jaǵynan úlken ári áleýmettik turǵydan kúrdeli ekenin atap ótti.

Úsh saǵatqa sozylǵan semı­nar jumysynyń sońynda qaty­sý­shylar málimettermen almasý, birlesip jumys isteý jáne aldaǵy atqarylatyn jumysta áriptestik qoldaý kórsetý, tehnıkalyq ja­raqtandyrýdy jetildirýge qatysty oılaryn ortaǵa salyp, naqty usynystaryn bildirdi.