Gazetimizdiń ótken jylǵy 28 qarasha kúngi 263-nómirinde «Basshylar emes, kileń mindetin atqarýshylar» dep oblystaǵy Ertis aýdanynan maqala jazǵan bolatynbyz. Maqalada aýdandyq ákimdikten bastap, bólimderinde basshylary joq, aýdandyq bilim bóliminiń basshysy Maııa Bagıenova, mádenıet, tilderdi damytý, deneshynyqtyrý jáne sport bóliminiń basshysy Janar Dúısembına, aýdandyq mádenıet úıiniń dırektory Elmıra Aımuhanova, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Tólesh Bekpaýov, Ishki ister bóliminiń basshysy Serik Úsenovter túgelimen mindetin atqaryp júrgenderi aıtyldy.
Gazetimizdiń ótken jylǵy 28 qarasha kúngi 263-nómirinde «Basshylar emes, kileń mindetin atqarýshylar» dep oblystaǵy Ertis aýdanynan maqala jazǵan bolatynbyz. Maqalada aýdandyq ákimdikten bastap, bólimderinde basshylary joq, aýdandyq bilim bóliminiń basshysy Maııa Bagıenova, mádenıet, tilderdi damytý, deneshynyqtyrý jáne sport bóliminiń basshysy Janar Dúısembına, aýdandyq mádenıet úıiniń dırektory Elmıra Aımuhanova, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Tólesh Bekpaýov, Ishki ister bóliminiń basshysy Serik Úsenovter túgelimen mindetin atqaryp júrgenderi aıtyldy.
Sóıtsek, qyzyq bolǵanda, áli kúnge deıin Ertis aýdanynda «mindetin atqaryp júrgender» qatary kóbeımese, azaımapty da. Al, biz barǵanda el gazetinen habary joq, bir-eki aýyz qazaq tilinde ázer sóılep turǵan aýdan ákiminiń orynbasary qyzmetin atqaryp júrgen Dıdar Qalıjanova sińlimiz áıteýir, mindetin atqaryp júrgen kúıi ornynan ketipti. Sonda aýdan ákimi Nyǵman Pishenbaev eshqandaı tájirıbesi joq jap-jas qyzdy aýdan ákiminiń áleýmettik salalar jónindegi orynbasary etip qalaı taǵaıyndamaq boldy eken? Endi Dıdar sińlimizdiń ornyna ákimniń orynbasary mindetin atqarýǵa ákimniń keńesshisi qyzmetin atqarǵan Nurjan Qalıev kelipti. Oǵan qosa qurylys, sáýlet bóliminiń basshysy laýazymynyń mindetin atqarýshy, jer qatynastary bóliminiń bastyǵy da ornynan ketip, ol oryndarǵa da mindetin atqarýshylar kelse kerek. Ertis aýylyndaǵy №2 qazaq mektebiniń dırektory zeınetkerlikke ketken soń, dırektordyń mindetin Marjan Kósherbaeva atqaryp júr. Endi ne isteý kerek? Jumys bastan asady. Elbasy Joldaýyndaǵy mindetterdi kim oryndaıdy? Mamandar ákimge jaǵý, unaý úshin emes, el úshin eńbek etedi. Aýdanda bilimdi, bilikti mamandar joq dep osylaı otyra beremiz be? Onda páterlerin, jeńildikterin berip, jas mamandardy shaqyraıyq. Qolda bardyń qadirin bilgen durys. Mindetin atqaryp júrgen mamandardyń bári de týǵan aýyldary men aýdanda qyzmet jasaǵysy kelip, oqý bitirgen soń, aýyldaryna oralǵandaryn da eskereıik.
Oblysqa jańadan kelgen basshy Qanat Bozymbaev qazir aýdan, aýyldardy aralap, el ishimen tanysyp júr. Al, Ertis aýdanynda sý, jol máselesi óte qıyn. Poshta bólimsheleri jabylýda. Turǵyndar bolsa, júıeli, naqty jumysty kútip otyr. Sondyqtan áli kúnge deıin aılap mindetin atqaryp júrgen bólim basshylaryn Ertis aýdanyna barǵan sapary kezinde oblys ákimi Qanat Bozymbaevtyń ózi taǵaıyndap ketpese, basshynyń mindetin atqarýshylardyń azaıar túri kórinbeıtindeı.
Farıda BYQAI,
«Egemen Qazaqstan».
Pavlodar oblysy,
Ertis aýdany.
