Foto: Sputnik.kz
Oqys oqıǵaǵa tap bolǵan otbasy Rysqulov dańǵylynyń boıynda aıaldamada turǵan. Erli-zaıypty sol jerde eki kishkentaı qyzdarynyń kózinshe sózge kelip qalady. Ashýly áıel sol sátte jolǵa júgirip shyǵyp, balalarynyń kózinshe zymyraǵan kóliktiń astyna túsken. Kenet jolǵa júgirip shyqqan kelinshekti Toyota Camry kóligi qaǵyp ketti.
Atalǵan jaǵdaıdy qalalyq Polısııa departamenti rastady. Oqıǵa túnde bolǵan.
«8 qyrkúıekte, túngi ýaqytta Toyota Camry kóligindegi J esimdi azamat Rysqulov dańǵylynyń boıymen batys baǵytta júrip kele jatyp jaıaý júrginshini qaǵyp ketti. Jaıaý júrginshi kenetten jolǵa shyǵyp ketken. Osy jol-kólik oqıǵasy saldarynan dene jaraqatyn alǵan jaıaý júrginshi 4 -shi qalalyq klınıkalyq aýrýhanaǵa jetkizildi. Bul fakti boıynsha Jetisý aýdandyq polısııa basqarmasynyń qyzmetkerleri tergeý júrgizýde. Jaǵdaılar anyqtalýda», dep habarlady Almaty qalasy DP tergeý bólimi.
Oqıǵa ornyna barǵan jedel járdem kóligi apatqa túsken áıeldi dereý aýrýhanaǵa alyp ketti. Kelinshek aýyr dene jaraqattaryn alǵan. Almaty polısııasy sotqa deıingi tergeý sharalaryn bastap, qajetti saraptamalar taǵaıyndalǵan.
