Sport • 08 Qyrkúıek, 2021

Temirtaýlyq veloshabandoz álem chempıonatynyń qola júldegeri atandy

20 ret kórsetildi

Temirtaýlyq on jeti jasar veloshabandoz Kırıll Kýrdıdı velosporttan Álem chempıonatynda qola júldege ıe boldy. Jarys Kaırde (Egıpet) ótti, dep habarlaıdy Egemen.kz.

Jarysqa 45 elden 500-den astam sportshy qatysty. Qazaqstan ulttyq quramasynyń qataryna Qaraǵandy oblysynan úsh sportshy kirdi. Kırıll Kýrdıdı 1000 metr qashyqtyqqa baǵyttalǵan gıtte qola medal jeńip aldy. Gıt – bul jeke velotrek jarysynyń bir túri. Mundaı jarysta sáttiliktiń negizgi komponentteri – kúsh pen tehnıka. Nátıje sekýndtyń myńdyq úlesine deıingi dáldikpen tirkeledi.

«Kırıll 11 jasynan bastap velosportpen aınalysady. Trek jáne tas jol sııaqty baǵdarlamalar túrinde jattyǵady. Onyń osy sátti óner kórsetýine deıin de sporttaǵy jeńisteri jeterlik. Qazaqstan chempıonattarynyń kúmis medaldary, 2021 jyly qysqy respýblıkalyq birinshilikte komandalyq sprıntte jeńiske jetse, keıin jarysta ekinshi oryn aldy», dep málimdedi Qaraǵandy oblysynyń dene shynyqtyrý jáne sport basqarmasynda.

Veloshabandozdyń alǵashqy tálimgeri – joǵary deńgeıdegi jattyqtyrýshy Elena Polenova. Qazirgi ýaqytta sportshyny olımpıadalyq daıarlaý ortalyǵynyń trek-sprınt boıynsha aǵa jattyqtyrýshysy Ivan Sıvash jattyqtyrady.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar