2020 jylǵa qaraı elimizde jańaratyn energııa kózderi baǵytynda otyzdan astam stansalar iske qosylady. Úkimet basshysynyń birinshi orynbasary Baqytjan Saǵyntaevtyń aıtýynsha, 2011 jyldan beri Aqmola, Almaty, Jambyl, Qaraǵandy, Qostanaı jáne Soltústik Qazaqstan oblystarynda osy baǵytta jumystar júrgizilýde. Olarda gıdro, jel, kún, bıogaz elektr stansalary paıdalanýǵa berilip jatyr.
2020 jylǵa qaraı elimizde jańaratyn energııa kózderi baǵytynda otyzdan astam stansalar iske qosylady. Úkimet basshysynyń birinshi orynbasary Baqytjan Saǵyntaevtyń aıtýynsha, 2011 jyldan beri Aqmola, Almaty, Jambyl, Qaraǵandy, Qostanaı jáne Soltústik Qazaqstan oblystarynda osy baǵytta jumystar júrgizilýde. Olarda gıdro, jel, kún, bıogaz elektr stansalary paıdalanýǵa berilip jatyr.
Qazaqstanda ótken jyly 81,8 mln. tonna munaı jáne gaz kondensaty óndirildi. Munaı jáne gaz mınıstrliginiń alqa májilisinde vedomstvo basshysy Uzaqbaı Qarabalınniń málimeti boıynsha, esepti kezeńdegi gaz óndirý 42,3 paıyzdy qurady. Bul jospardan 4,4 paıyzǵa, al ótken jylǵy mejeden 5,4 paıyzǵa artyq.
Astanada 80 eldi mekenniń bas josparyn jasaý jobalanyp otyr. Elorda mańyndaǵy 30 shaqyrym aýmaqtyń sheńberine kiretin bul qonystarda halyq sanynyń baqylaýsyz artýynyń aldyn alý maqsatynda jeke turǵyn úı qurylysy úshin jer telimderine moratorıı jarııalandy.
Ońtústik Qazaqstanda jastar sany 800 myńǵa jaqyndady. 2013 jyldyń qorytyndysy boıynsha sany 773,4 myńǵa jetip, oblys halqynyń 28,9 paıyzyn quraǵan jas býynnyń aýylda turatyndary 473,3 myń bolsa, qalalyqtar 300,1 myńnan asady.
Qyzylorda oblysy halqynyń 91 paıyzy prokýratýra organdarynyń jumys tıimdiligin joǵary baǵalaıdy. Muny «Syr medıa» JShS janyndaǵy aqparattyq-taldaý ortalyǵy júrgizgen saýaldama anyqtap berdi. Budan keıingi alǵashqy oryndarda, sondaı-aq ishki ister jáne tótenshe jaǵdaılar organdary tur. Al senimine kóbirek selkeý túsken keden qyzmeti bolyp shyqty.
Mańǵystaý oblysynyń sot oryndaýshylary jyl ishinde boryshkerlerden 1,7 mlrd. teńge óndirdi. Oblystyq sot aktilerin oryndaý departamentiniń basshysy Jańabaı Kemelhanov bul mólsherdiń 2012 jylmen salystyrǵanda, 1 mlrd. 387 mln. teńgege kóp ekenin aıtyp otyr.
Pavlodar oblysy Ýspen aýdany jurtynyń 35 paıyzy ǵana sapaly aýyz sýmen qamtamasyz etilgen. Aýdanda jumys saparymen bolǵan oblys ákimi Qanat Bozymbaev mundaǵy turǵyndardyń 52,8 paıyzy ózderi qazyp alǵan qudyqtardy paıdalanyp otyrǵanyn bilgesin, birinshi kezekte sapaly aýyz sýmen qamtamasyz etýdiń jaıyn oılastyrýdy tapsyrdy.
«QazAqparat», Egemen.kz habarlary
boıynsha daıyndaldy.
