«Vaksınasııaǵa, utys oıyndary men syılyqtarǵa keletin bolsaq, bul jerdegi tájirıbe álemdik ekenin kórýge bolady. Barlyq jerde, tipti eń damyǵan elderde de mundaı quraldar vaksınasııalaýǵa shaqyrý maqsatynda qoldanylady. Degenmen, Qazaqstanda vaksınasııa erikti bolyp qala beredi», dedi Marat Shoranov OKQ brıfınginde.
Buǵan deıin M.Shoranov emhanalardaǵy dárigerlerdiń jetispeýshiligine qatysty túsinikteme bergen bolatyn.
«Jalpy, 2020 jylmen salystyrǵanda halyqqa josparly medısınalyq kómek kórsetý jaǵdaıy aıtarlyqtaı túzeldi. Is júzinde barlyq emhanalar, birinshi býyndaǵy medısınalyq qyzmetterdi jetkizýshiler, memlekettik te, jeke de, halyqpen tolyq kólemde jumys isteıdi. Iá, múmkin, jekelegen jetkizýshilerde kadrlyq máseleler týyndaýy múmkin. О́zderińiz biletindeı, kóptegen resýrstar koronavırýstyq ınfeksııamen kúresýge tikeleı jiberildi. Alaıda, biz áleýmettik medısınalyq saqtandyrý qorymen jumys aıasynda óńirlermen osy máselelerdi únemi baqylaýda ustaımyz», dep atap ótti Densaýlyq saqtaý mınıstrliginiń ókili.
