Reseı Federasııasynyń astanasy Máskeý qalasynda qazaqstandyq aýylsharýashylyq ónimderin óńdeýshiler jáne qaıta óńdeýshilerdiń qatysýymen Máskeý men Qazaqstan aımaqtarynyń arasynda yntymaqtastyqty keńeıtý aıasynda bıznes-forým ótti.
Reseı Federasııasynyń astanasy Máskeý qalasynda qazaqstandyq aýylsharýashylyq ónimderin óńdeýshiler jáne qaıta óńdeýshilerdiń qatysýymen Máskeý men Qazaqstan aımaqtarynyń arasynda yntymaqtastyqty keńeıtý aıasynda bıznes-forým ótti.
Basqosý aıasynda Aýyl sharýashylyǵy mınıstrligi, «QazAgro» ulttyq holdıngi ókilderi men kásipkerlerden turatyn elimiz delegasııasy óz ónimin usynyp, máskeýlik saýda-sattyq alańdaryn, sondaı-aq áleýetti seriktesterdiń óndiris bazalaryn aralady.
Qazaqstandyq óndirýshiler úshin Reseı, onyń ishinde 20 mıllıon halqy bar Máskeý perspektıvaly ótkizý rynogy. Osyǵan baılanysty forýmnyń basty maqsattarynyń biri – kásipkerler arasynda tikeleı yntymaqtastyqty jolǵa qoıý jáne olardyń yqpaldasýy úshin ońtaıly ekonomıkalyq rejim qurý. Forým tek saýda-ekonomıkalyq qatynastardy keńeıtip qana qoımaı, aýylsharýashylyq ónimderin ótkizý jáne óndirý salasynda tájirıbe almasýǵa yqpal etpek, deıdi sharany uıymdastyrýshylar.
Búgingi tańda elimizdiń agroónerkásip kesheni el ekonomıkasynyń turaqty damyp jatqan sektorlarynyń biri. Sońǵy 5 jyl ishinde agroónerkásip keshenin memlekettik qoldaý kólemi 3 esege ósken. Bıznestiń belsendi qatysýymen ázirlengen salaaralyq «Agrobıznes-2020» baǵdarlamasy sheńberinde aýyl sharýashylyǵyn qoldaý kólemi 4,5 esege ulǵaımaq jáne 2020 jyldarǵa qaraı shamamen 3 trln. teńgeni quramaq.
О́tken jyly AО́K jalpy ónim kólemi 2,5 trıllıon teńgeni qurasa, bul kórsetkish 2001 jyly 535 mlrd. teńge kóleminde bolǵan. Sondaı-aq, eksporttyń turaqty ósýi baıqalǵan. Sońǵy 5 jyl ishinde 2 esege ulǵaıyp, 2013 jyldyń 10 aıynda 425 mln. AQSh dollaryna jetken.
«Egemen-aqparat».
