Semeıdegi fızıka-matematıka baǵytyndaǵy Nazarbaev zııatkerlik mektebi bilim berýdiń halyqaralyq standarttaryna kóshýde oń jetistikterge qol jetkizýde. Talapty shákirtter ǵalamtor arqyly jahannyń ár túkpirimen baılanys ornatyp, dáris tyńdap, tipti, emtıhan da tapsyrýǵa qol jetkizip otyr. Aıtalyq, jýyrda ǵana atalmysh bilim ordasynyń eki oqýshysy álem boıynsha ótken SAT testileýine qatysyp, jeńimpaz atandy.
Semeıdegi fızıka-matematıka baǵytyndaǵy Nazarbaev zııatkerlik mektebi bilim berýdiń halyqaralyq standarttaryna kóshýde oń jetistikterge qol jetkizýde. Talapty shákirtter ǵalamtor arqyly jahannyń ár túkpirimen baılanys ornatyp, dáris tyńdap, tipti, emtıhan da tapsyrýǵa qol jetkizip otyr. Aıtalyq, jýyrda ǵana atalmysh bilim ordasynyń eki oqýshysy álem boıynsha ótken SAT testileýine qatysyp, jeńimpaz atandy.
Bul synaqqa álemniń 175 memleketinen bir myńnan asa joǵary synyp oqýshylary qatysypty. Oǵan Semeıdegi Nazarbaev zııatkerlik mektebinen 7 oqýshy qatysyp baq synaǵan edi. Olardyń arasynan 12-synypta oqıtyn jas matematık Aınur Máshpıevanyń baǵy jandy. Qoldanbaly ǵylymǵa jany qushtar Aınur qoıylǵan 50 suraqqa 100 paıyz durys jaýap berip, eń joǵary kórsetkish 800 balldy qınalmaı jınady. Al onyń synyptasy Aqgúl Kenjesheva bolsa 710 ball aldy. Bul da joǵary kórsetkish. Sebebi, barlyq qatysýshylardyń tek 10 paıyzy ǵana úzdikter qataryna ilingen. Aǵylshyn tilinde ótken testileýge qos oqýshyny matematıka pániniń muǵalimi sheteldik Maıkl Malýchı daıyndapty. – Emtıhannyń suraqtary dál testileý ótkiziletin kúni AQSh-tan elektrondy poshta arqyly keldi. Iаǵnı, baıqaý álemniń 175 elinde bir kún, bir saǵatta ótkizildi, – deıdi Aınur men Aqgúldiń bapkeri. Bul jeńistiń Aınur úshin orny erekshe. Ol endi álemniń eń tańdaýly oqý oryndary grantynyń ıegeri. Tańdaýy boıynsha Garvard, Oksford pen Kembrıdjde bilim ala alady. Bul jaıynda pikir bildirgen Aınur: – Injenerlik salanyń bilgir mamany atanǵym keledi. Sebebi, ındýstrııadan ınnovasııaǵa kóshken elimizde ınjenerlik sala mamandaryna suranys joǵary. Tańdaýym bireý – Astanadaǵy Nazarbaev Ýnıversıteti. О́z elimde bilim alyp, Otanymnyń órkendeýine úles qossam deımin, – deıdi. Onyń qurbysy Aqgúl de osy ýnıversıtettiń stýdenti atanýdy kózdep otyr. Sebebi, «sheteldik úzdik oqý oryndarynyń aıtýly professorlary osynda bilim beredi. Ári halyqaralyq standartqa saı, sapaly bilim alýǵa tolyq múmkindik bar» degen pikirde. Aıta ketelik, ótken jyly Semeıdegi Nazarbaev zııatkerlik mektebinde halyqaralyq SAT testileý ortalyǵy ashylǵan-dy. Buǵan deıin mundaı ortalyq tek Astana men Almaty qalalarynda ǵana bolǵan. Endi elimizdiń Shyǵys óńiriniń oqýshylary, aýdan mektepteriniń túlekteri de Semeıde synaqtan ótýge múmkindik aldy. Bul jolǵy shara tuńǵysh ret ótkizildi. Nátıje oıdaǵydaı. Al búgingi tańda qaı salada bolmasyn shetelde jumys istegisi keletinder SAT emtıhanyn tapsyrýy mindetti. Sebebi, Eýropa elderinde jumysqa qabyldaný úshin halyqaralyq testileýdiń osy túrinen ótý jáne alǵan balldyń joǵarylyǵy talap etiledi.
Dáýlet SEISENULY,
Qýanysh QOJAEV.
SEMEI.
–––––––––
Sýrette: (soldan ońǵa qaraı) Aqgúl Kenjesheva, Maıkl Malýchı jáne álemdik synaq jeńimpazy Aınur Máshpıeva.
