ANTIKOR • 09 Qyrkúıek, 2021

Bıýdjet qarajatyn jymqyrǵan advokat sottaldy

43 ret kórsetildi

Aqmola oblysy advokattar alqasynyń advokaty memleket kepildik bergen zań kómegin kórsetý kezinde jumsalǵan ýaqyt týraly kórineý jalǵan málimetterdi engizip, tergeýshiniń atynan 10 mln. teńgege jýyq somaǵa 15 jalǵan qaýly daıyndaǵan. Bul týraly QR Ádilet mınıstrliginiń baspasóz qyzmeti habarlaıdy, dep jazady Egemen.kz.

QR Ádilet mınıstrligi qylmystyq quqyq buzýshylyqtar boıynsha advokat kórsetetin memleket kepildik bergen zań kómegin bıýdjet qarajaty esebinen tóleý týraly qaýlylarǵa taldaý júrgizdi.

Joǵaryda atalǵan is-áreketterdiń saldarynan Aqmola oblysynyń advokaty 9,6 mln.teńgeden astam aqsha qarajatyn zańsyz alǵany anyqtaldy.

Sot úkimimen advokat QR QK 190-babynyń 3-bóligi 1) tarmaǵy, 385-babynyń 1-bóliginde kózdelgen qylmystardy jasaǵany úshin kináli dep tanyldy.

Sot 3,5 jylǵa bas bostandyǵyn shekteý jazasyn taǵaıyndady.

Sondaı-aq, QR QK 50-babynyń 3-bóligi negizinde advokat bes jyl merzimge advokattyq qyzmetpen jáne zań qyzmetterin kórsetý jónindegi qyzmetpen aınalysý quqyǵynan aıyryldy.

Úkim zańdy kúshine endi jáne Ádilet mınıstrligi advokatqa advokattyq qyzmetpen aınalysýǵa berilgen lısenzııanyń qoldanysyn toqtatty.

Sotqa deıingi tergeý barysynda advokatpen jymqyrylǵan aqsha qarajaty bıýdjetke qaıtaryldy.

Budan basqa, 2021 jylǵy sáýirden bastap elimizdiń búkil aýmaǵynda memleket kepildik bergen zań kómegine bólinetin bıýdjet qarajatyn jumsaýdyń ashyqtyǵy men tıimdiligin qamtamasyz etetin «E-zań kómegi» aqparattyq júıesi jumys isteıdi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar