Úkimet • 10 Qyrkúıek, 2021

Úkimet delegasııasy Jambyl oblysyna bardy

30 ret kórsetildi

QR Premer-Mınıstriniń orynbasary Eraly Toǵjanov bastaǵan úkimettik delegasııa Jambyl oblysyna jumys saparymen bardy, dep jazady Egemen.kz.

Eraly Toǵjanov áskerı qoımalardaǵy jarylystan zardap shekken Baızaq aýdanynyń turǵyndaryna kómek kórsetý jáne qalpyna keltirý jumystarymen tanysty.

Vıse-Premer ınspeksııa barysynda kentti qalpyna keltirý tolyq qarqynmen júrgizilip jatqanyna kóz jetkizdi, bul sharalarǵa 185 adam men 23 arnaıy tehnıka jumyldyrylǵan. Qazirdiń ózinde 62 jeke qurylystyń jóndeý jumystary aıaqtaldy.

Jibek joly aýylynda 150 oryndyq jańa mektep salý jumystary bastaldy. Sondaı-aq Úshbulaq jáne Bazarbaı aýyldaryndaǵy mektepter demeýshilik qarajat esebinen qalpyna keltirildi.

Tarazda E.Toǵjanov «Super Pharm» JShS-de boldy. Jambyl oblysynyń ákimi Berdibek Saparbaev óńirde farmasevtıkalyq ónim shyǵarý kólemi artyp kele jatqanyn atap ótti. Munda táýligine 60 myń medısınalyq maska, jylyna 15 mıllıon medısınalyq buıym shyǵarylady.

О́ńirdegi iri jobalardyń biri «Amır jáne D» JShS farmasevtıkalyq baǵyttaǵy óndiristik kesheni bolyp tabylady. Zaýytta jylyna 15 mıllıon ekspress-test, onyń ishinde koronavırýs, A, V, S gepatıtterin anyqtaýǵa arnalǵan, 1,5 mıllıon baqylaý eritindisi jáne basqa da medısınalyq maqsattaǵy ónimder shyǵarylatyn bolady.

Vıse-Premer sondaı-aq «Sáýle» JShS kondıterlik fabrıkasyna bardy jáne oblystyq onkologııalyq dıspanserdiń qurylys barysymen tanysty. Qazirgi ýaqytta onkoortalyqtyń ishki árleýi 90% - ǵa, syrtqy árleýi 95% - ǵa aıaqtaldy. Dıspanser álemdik standarttarǵa sáıkes keletin tehnologııalyq jabdyqtarmen jaraqtandyrylatyn bolady.

E.Toǵjanov jeke ınvestısııalar esebinen salynǵan «Arai–Elite» gımnazııasynda boldy. Mektepte 1 400 bala tegin bilim alady. Oqýshylar matematıka men aǵylshyn tilin tereńdetip oqıdy.

«Kóne Taraz» tarıhı-etnomádenı keshenin aralaý barysynda Vıse-Premer Tarazdyń sáýleti túbegeıli ózgeriske ushyraǵanyn atap ótti.  Keshen aýmaǵynda birkelki stılde birneshe nysan salynǵan: ashyq aspan astyndaǵy amfıteatr, kórkemsýret galereıasy, oblystyq tarıhı-ólketaný murajaıy, Sherhan Murtaza atyndaǵy «Rýhanııat jáne tarıhtaný» ortalyǵy, sheberler men qolónershiler galereıasy, týrızm ortalyǵy, kórme pavılony.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar