Bul týraly QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti málimdedi.
Jol kólik oqıǵalarynyń (JKO) ósýi ótken jyldyń uqsas kezeńimen salystyrǵanda 10,2%-dy qurady, zardap shekkenderdiń sany 11,2%-ǵa ósti.
Túrli JKO saldarynan 10 947 adam dene jaraqatyn aldy (10,5%-ǵa ósti) jáne 1 258 adam qaıtys boldy (17,7%-ǵa ósti).
Joldarda kámeletke tolmaǵandar zardap shekkenderdiń ósýi erekshe nazar aýdarýǵa turarlyq, olardyń sany 1808-den 2298-ge deıin artty jáne zardap shekkenderdiń jalpy sanynyń 18,8%-yn quraıdy.
Jasalǵan orny boıynsha jol apattarynyń negizgi bóligi 72,6% nemese 6030 eldi mekenderde, 1512 halyqaralyq, respýblıkalyq mańyzy bar trassalarda, 765 oblystyq, aýdandyq mańyzy bar joldarda tirkeldi. Elimizdiń joldary men kóshelerindegi apattar týraly tolyq aqparat «qamqor.gov.kz» saıtynyń «Aqparattyq servıs» bóliminde ornalastyrylǵan.
Kóbinese JKO kólik quraldarynyń soqtyǵysýynan – 3420 fakt, sondaı-aq jaıaý júrginshilerdi qaǵyp ketýinen – 2897 oryn aldy.
Zertteý nátıjelerine sáıkes JKO-nyń 87% júrgizýshilerdiń kinásinen (7256 fakt), onyń ishinde 322 alkogoldik nemese esirtkilik mas kúıde bolǵan. Jol-kólik oqıǵalary týraly taldamalyq aqparat «QazAvtoJol» Ulttyq kompanııasy» AQ-ǵa qaraý jáne jumysta qoldaný úshin joldandy.
Eń kóp ólim jaǵdaıy búıirlik jáne ilespe baǵyttaǵy avtokólik quraldarynyń soqtyǵysý nátıjesinde jasaldy (qaıtys bolǵandardyń jalpy sanynyń 40,5%). Ekinshi orynda – jaıaý júrginshini qaǵyp ketýmen baılanysty jol kólik oqıǵalary (qaza bolǵandardyń jalpy sanynyń 26,9%) bolyp tabylady. Belgilengen jyldamdyqtyń artýynan 1990 JKO oryn alǵan, onda 405 adam qaza tapty.
Burynǵydaı joldardaǵy apattardyń eń kóp sany Almaty qalasyna tıesili – 2161 jaǵdaı, al eń joǵary ólim kórsetkishi Almaty oblysynda anyqtaldy, 268 adam qaıtys boldy.
Jol kólik oqıǵalarynda adamdar zardap shekken Elordada 349, Shymkent qalasynda 203 JKO tirkeldi.
JKO-nyń eń az sany Soltústik Qazaqstan – 107 jáne Mańǵystaý – 138 oblystarynda oryn aldy.
