Taraptar EQYU-nyń aǵymdaǵy kún tártibiniń ózekti máselelerin jáne Qazaqstannyń adamı ólshem salasyndaǵy uıymnyń negizgi ınstıtýttarynyń birimen ózara is-qımylyn talqylady. 2010 jyly 1-2 jeltoqsanda Astanada ótken EQYU Sammıtiniń qorytyndysy boıynsha qabyldanǵan «Qaýipsizdik qoǵamdastyǵy jolynda» Astana deklarasııasynyń qaǵıdalary men ony qoldanysqa engizý qajettiligi atap ótildi. Onda azamattyq qoǵam men erkin BAQ-tyń mańyzdy róli belgilendi.
Osy turǵyda, QR SIM basshysy EQYU-nyń ókilin Prezıdent Qasym-Jomart Toqaev «Halyq únine qulaq asatyn memleket» tujyrymdamasy sheńberinde bastamashylyq etken reformalardyń iske asyrylý barysy týraly, atap aıtqanda, Qazaqstanda jala jabýdy qylmystyq sıpattan aryltý jáne alaýyzdyqty týdyrý týraly QR Qylmystyq kodeksiniń 174-babyn izgilendirý týraly habardar etti.
EQYU ınstıtýtynyń basshysy ortaq syn-qaterlerge birlesip qarsy turý maqsatynda árekettestikti nyǵaıtý úshin eleýli kúsh-jiger jumsaý nıetin atap ótti. Sonymen qatar Qazaqstannyń tóraǵalyq etý tájirıbesi men EQYU Astana sammıtiniń nátıjelerine nazar aýdardy.
