Eki jańa ónerkásip parki iske qosylady

Is-sharaǵa Almaty qala­sy­nyń strategııalyq jos­parlaý, bıýdjet jáne tıim­di­lik jónindegi turaqty ko­mıs­sııasynyń tóraǵasy, «Al­maty» ÁKK» AQ basqarma tóraǵasy Asqar Bilisbekov, Almaty qalalyq Kásipkerler palatasynyń óńirlik keńesiniń tóraǵasy Maksım Baryshev, Almaty Indýstrııalyq aı­ma­ǵynyń ókilderi jáne AlaEstate, ADS Industries, Asia Prom Textile, CityBus, KazStroyTrade JShS shaǵyn ónerkásip parkteriniń basshylary qatysty. Jıynda shaǵyn ónerkásip parkteriniń ókilderi qalanyń shaǵyn bıznesti qol­daý jónindegi áleýmettik jo­basynyń úlken paıdasyn atap ótip, odan ári damytý boıynsha óz usynystaryn aıtty jáne ózekti suraqtarǵa jaýap aldy.

«Eger buryn bıznes-qo­ǵam­dastyqta shaǵyn óner­ká­siptik parkterdiń damýyna kúmánmen qa­raı­tyn bolsa, qazir pandemııa kezinde de osyndaı parkterdiń qurylysyna úlken suranys baıqalady, dedi A.Bilisbekov keńes qorytyndysy boıynsha. – Biz Almaty qalasynyń ÁKK aıasynda Almaty Business-2025 baǵdarlamasy boıynsha ınvestorlar úshin shaǵyn óner­ká­siptik parkter salýǵa 6%-ben jeke nesıe jelisin bóldik, lımıtti 300-den 500 mln teńgege deıin arttyrdyq jáne bul baǵdarlamanyń búgingi áleýeti zor. Qazir osyndaı 5 park salynyp jatyr, jaqyn arada onyń úsheýi iske qosylady dep kútilýde. Almaty qalasynda taǵy 4 shaǵyn ónerkásip par­ki jumys isteıdi, kelesi jyly qosymsha 2 parktiń iske qo­syl­ýyn kútemiz. Taıaýdaǵy 2-3 jylda biz 20-ǵa jýyq ónerkásiptik parkterdi iske qosýdy josparlap otyrmyz. Búginde 8 shaǵyn ónerkásiptik parkte onda jumys istegisi keletin rezıdentterdiń tutas kezegi bar».

Aıta keteıik, búginde Al­ma­tyda 14 shaǵyn ónerká­sip­tik park jumys isteıdi, onyń 5-i Naýryzbaı, Túrksib jáne Alataý aýdandarynda («BrotMaster» JShS, Ala Estate JShS, Samruk Group JShS, CityBus JShS, AsiaProm Textile JShS). Jumys istep turǵan óndiristik úı-jaılardyń jalpy aýdany 17 435 sharshy metrdi quraıdy, ınvestısııalardyń jalpy somasy – 1 mlrd 220 mln teń­ge. Alataý aýdanyndaǵy Indýstrııalyq aımaqtyń aýmaǵynda búginde 6 shaǵyn ónerkásip parki salynýda (Ala Estate JShS, ADS Industries JShS, KazStroyTrade JShS, D&J Investments & Logistic JShS, Qazaq Plast JShS, «Altyn Dáýren Bıznes» JShS).

«Biz ártúrli máseleni tal­qylaý úshin shaǵyn óner­kásiptik parkterdiń basshy­lyǵymen únemi kezdesip turýǵa tyrysamyz jáne olardyń jumysyn odan ári jetildirý, parkterdi tartymdy etý, jaq­sy jaǵdaı jasaý týraly kó­birek usynys paıda bolady. Almaty ákimdigimen birge olardy qoldaýǵa daıynbyz», dep túıindedi A.Bilisbekov.

Sondaı-aq Almaty Indýs­trııalyq aımaǵynyń aýmaǵynda taǵy 3 jańa shaǵyn ónerkásiptik parktiń qurylysy maquldandy. 2021 jylǵy 16 maýsymda sha­ǵyn ónerkásiptik parkterdi qurý jáne olardyń jumys isteýi jónindegi Komıssııa ma­quldaǵan ınvestısııalardyń jalpy somasy 550-den astam jańa jumys ornyn qu­rýmen 2,05 mlrd teńgeni qu­raıdy (Nurpak JShS, «Prom­park» JShS, Mirus Com­pany JShS). Búginde kompanııalar JSQ ázirleýdi bastaý úshin О́ńirlik úılestirý keńesiniń (О́ÚK) oń sheshimin kútýde.

Shaǵyn ónerkásiptik parkter – Almaty qalasy ákimdiginiń megapolıs shetindegi (Naýryzbaı, Alataý, Túrksib aýdandarynda) shaǵyn bıznesti damytý jónindegi áleýmettik jobasy. О́nerkásiptik parkterde kommýnıkasııalary júrgizilgen úı-jaılar shaǵyn bızneske jeńildikti sharttarmen jalǵa beriledi. Prosestiń operatory – bıznes-qoǵamdastyqqa ákimshilik qoldaý kórsetetin «Almaty» ÁKK» AQ. О́ndiristik úı-jaılar qala sheginde ınvestorlarmen nemese óndiristik bazalardyń ıelerimen salynady.