Ulttyq bank tóraǵasynyń málimdeýinshe, bıylǵy jylǵy sáýir-tamyz aralyǵynda jyldyq ınflıasııa 7,0%-ten 8,7%-ǵa deıin jyldamdady. 2008 jyldan beri alǵash ret tamyzda baǵanyń ósý kórsetkishi eń joǵary boldy.
«Azyq-túlik ınflıasııasy tarapynan baǵalarǵa negizgi qysym kórsetiledi. Onyń jyldyq ósýi bir aıda 0,4 paıyzǵa ósip, osy jylǵy tamyzda 11,4%-ǵa jetti. Et, kókónister, maı jáne qant baǵasynyń ósýi baıqalady. Osy taýarlardyń azyq-túlik komponentine qosatyn úlesi bıylǵy mamyr-tamyzda 2,55 paıyzdy qurady», dedi ol.
Sonymen qatar et baǵasynyń ósýine jem-shóptiń 25%-ǵa qymbattaýy da áser etkenin atady. Sebebi, mınıstrdiń aıtýynsha, jem-shóp daqyldarynyń quny et óndirisiniń ózindik qunynyń 70%-yn quraıdy.
