«Barlyq kórsetkish boıynsha oń ósim 5 óńirde – Shymkent qalasynda, sondaı-aq Almaty, Jambyl, Qostanaı, Mańǵystaý oblystarynda baıqalady. Al 6 kórsetkish boıynsha 8 óńirde ósim bar. 3 óńirde 5 kórsetkish boıynsha ósim tirkeldi. Batys Qazaqstan oblysynda tek 3 kórsetkish boıynsha ósý baıqaldy», dedi Áset Erǵalıev.
Shymkent qalasynda negizgi kapıtalǵa salynǵan ınvestısııa kólemi 2021 jyldyń 8 aıynda 201,1 mlrd teńgeni qurap, 2020 jyldyń tıisti kezeńimen salystyrǵanda 135,9 paıyzǵa artqan. Negizgi kapıtalǵa baǵyttalǵan ınvestısııanyń qurylymynda jekemenshik ınvestısııanyń úlesi 72 paıyz bolsa, memlekettik ınvestısııanyń úlesi – 28 paıyzdy quraıdy.
Jekemenshik ınvestısııa úlesiniń artýy ınvestısııalyq shtab jumysynyń tıimdiligin kórsetedi. Apta saıyn ótip jatqan shtab otyrystarynda ınvestısııa salýǵa qyzyǵýshylyq tanytqan kásipkerlerdiń ózekti máselelerin sheshý úrdisi qalyptasty. Onlaın rejımde ótip jatqan jumys kezdesýlerinde bıznes ókilderi tap bolatyn bıýrokratııalyq kedergilerdi joıý jóninde shuǵyl sheshimder qabyldanyp, ınvestısııalyq jobalardy iske asyrýǵa qajetti ınfraqurylym júıelerin tartý, jerge ornalastyrý máseleleri ońtaıly sheshimin taýyp jatyr.
Mundaı qoldaýlardyń nátıjesinde qańtar-tamyz aılary aralyǵyndaǵy kezeńde jyljymaıtyn múlik operasııalary 76,3 paıyzǵa, kólik salasyndaǵy jobalar 61,9 paıyzǵa, ónerkásip jobalary 56,1 paıyzǵa, kommersııalyq turǵyn úıler qurylysy 51,7 paıyzǵa oryndaldy.
Turǵyn úı qurylysy salasynda bıylǵy jyly barlyq qarjylandyrý kózderi esebinen 14 541 páterli 275 kópqabatty turǵyn úıdiń qurylysy júrgizilýde.
Jalpy bıyl 1 mıllıon sharshy metrden astam turǵyn úı paıdalanýǵa beriledi dep josparlanǵan. Jyl sońyna deıin turǵyn úı kezeginde turǵan 1916 otbasyna kommýnaldyq páterler berilse, jeńildetilgen kredıttik tártippen 2096 páter paıdalanýǵa beriledi. Halyqtyń az qamtylǵan sanattary úshin 500 turǵyn úı sertıfıkattary tabystalmaq.
Qalanyń bazalyq sektorlarynda oń ósim dınamıkasyn saqtap, turǵyndardyń ál-aýqat jaǵdaıyn arttyrý baǵytyndaǵy bul jumystar aldaǵy ýaqytta da júıeli jalǵasyn tabady.
