Inflıasııa áserinen Qazaqstanda azyq-túlik, qurylys materıaldary, turǵyn úı jaldaý, gazben jabdyqtaý baǵasy ósti.
«Azyq-túlik ónimderiniń óndirisi jyldyq mánde 14,4%-ǵa qymbattady, tamyzda et-sút, un, jarma men makaron ónimderiniń baǵasy ósti. Buǵan el ishinde de, shetelde de satyp alynatyn shıkizat pen resýrstarǵa, sondaı-aq óndiris quraldaryna baǵanyń turaqty ósýi sebep boldy.
Aýyl sharýashylyǵy ónimi tamyz aıynda 0,7%-ǵa, jyldyq mánde 14,2%-ǵa qymbattady. Atap aıtqanda, mal sharýashylyǵy ónimderinen qus eti men jumyrtqa baǵasynyń ósýi jalǵasty. О́simdik sharýashylyǵy ónimderinen tamyz aıynda kúrish pen bıdaıdyń qymbattaýy tirkeldi», dep jazylǵan habarlamada.
