Boks • 17 Qyrkúıek, 2021

Álı Ahmedov Panterany úshinshi raýndta nokaýtpen jeńdi

211 ret

kórsetildi

1 mın

oqý úshin

Qazaqstandyq ekinshi orta salmaqtaǵy boksshy Álı Ahmedov Pantera laqap atymen tanymal Davıd Segarrany jeńdi, dep habarlaıdy Egemen.kz.

Gaýhar QAPASh

Álı Ahmedov Panterany úshinshi raýndta nokaýtpen jeńdi

Jekpe-jek 16 qyrkúıekte Montebello qalasynda (Kalıfornııa, AQSh) Hollywood Fight Nights boks keshi aıasynda ótti. Ol segiz raýndqa eseptelgen. Ahmedov basym bolyp tehnıkalyq nokaýtpen jeńdi. Úshinshi raýndtan keıin Segarra jekpe-jekti jalǵastyrýdan bas tartty.

Qazaqstandyq úshin bul jeńis kásipqoılar arasyndaǵy 17-shi jeńis, onyń 13-shi erte aıaqtaldy.

Ahmedov sońǵy ret 2020 jyldyń jeltoqsanynda ekvadorlyq Karlos Gongoramen jekpe-jek ótkizip, IBO nusqasy boıynsha ekinshi orta salmaqtaǵy álem chempıony ataǵyna talasqan bolatyn. Segarramen jekpe-jek 1 tamyzda ótýi kerek edi, biraq latynamerıkalyq boksshynyń koronavırýsqa qarsy tapsyrǵan testi oń nátıje berip, boks keıinge qaldyrylǵan bolatyn.

Eske salaıyq, Ahmedovke IBF jáne IBO nusqalary boıynsha orta salmaqtaǵy álem chempıony Gennadıı Golovkınniń GGG Promotions promoýterlik kompanııasy qoldaý kórsetedi.