«Taldykól - sý obektisi. Ákimdik óz quzyreti sheginde sý qorynyń jerlerin eldi mekenderdiń jerlerine aýystyrý týraly qaýly shyǵardy. Sý qorynyń jerleri basqa sanattarǵa tabıǵı nemese jasandy túrde joıylǵan, sondaı-aq sý obektisiniń kólemi kishireıgen kezde aýystyrylady. Kóldiń qaı bóligi tabıǵı sebeptermen joǵalyp ketkenin, sý jınaý alańyn salý nátıjesinde kóldiń kólemi qanshalyqty kishireıgenin zertteý qajet. Osyǵan baılanysty qosymsha zertteýler júrgizý jáne olardyń nátıjelerin eskere otyryp, túpkilikti sheshim qabyldanýy tıis», delingen mınıstrlik habarlamasynda.
Sonymen qatar, mınıstrlik Kishi Taldykól sý obektisi retinde qaldyrylsyn degen ustanym bildirdi.
«Bul rette, qala qurylysynyń saldarynan kólge túsetin jańbyr jáne erigen sýlardyń aǵyny azaıǵanyn nazarǵa ala otyryp, ony qosymsha toltyrý men aınalymǵa engizý boıynsha sharalar qabyldaý qajet», dedi Ekologııa mınıstrligi.
