Tájikstan, О́zbekstan, Pákistan, Qyrǵyzstan, Reseı, Qytaı jáne Úndistan ókilderi bas qosqan bul sharada otandyq ártister qazaq mádenıetin joǵary dárejede kórsete bildi.
«Ulttyq án óneriniń úzdik úlgilerin Qazaqkonsert solısi, Qazaqstannyń eńbek sińirgen qaıratkeri Erlan Rysqalı usyndy. Ánshi belgili kompozıtor Baýyrjan Aqtaevtyń óńdeýindegi «Moldabaıdyń áni» týyndysyn oryndady. B.Aqtaevtyń kórkemdik jetekshiligimen óner kórsetetin «Astana sazy» folklorlyq ansambli de onyń «Arnaý» mýzykalyq shyǵarmasyn oryndap, jınalǵan qaýymdy tánti etti. Uly dala eliniń mádenı bolmysyn jetkize bilgen bul týyndy kópshiliktiń zor yqylasyna bólendi.
Sondaı-aq sheteldik kórermender «Saltanat» memlekettik bı ansambliniń oryndaýyndaǵy bı kompozısııalaryn tamashalady», dep atap ótedi Qazaqkonsert» baspasóz qyzmeti.
Qazaqkonsert ártisteri óz óneri arqyly ShYU-na múshe elderdiń arasyndaǵy yntymaqtastyq jáne dostyq qarym-qatynastyń nyǵaıýyna óz úlesin qosty.
Shanhaı Yntymaqtastyq uıymynyń sammıti aıasynda otandyq ártister endi 18 qyrkúıek kúni Tájikstannyń Bohtar qalasynda ótetin úlken konsertte óner kórsetpek.
