Qostanaı oblysy PD baspasóz qyzmetiniń málimetinshe, 57 jastaǵy KamAZ júrgizýshisi kólikti basqara almaı, qarsy baǵytqa shyǵyp ketken.
Júk kóligi 55 jastaǵy júrgizýshiniń basqarýyndaǵy «VAZ-2106» avtokóligimen soqtyǵysqan. Saldarynan jeńil kólik júrgizýshisi oqıǵa ornynda kóz jumsa, jolaýshy aýyr halde aýrýhanaǵa jetkizildi. Jol-kólik oqıǵasynyń syzbasy jasaldy.
KamAZ júrgizýshisi spırttik ishimdik ishpegen. Qazirgi ýaqytta QR QK 345-babynyń 3-bóliginde kózdelgen, ıaǵnı «Abaısyzda adam ólimine ákep soqtyrǵan jol qozǵalysy erejelerin buzý» babymen sotqa deıingi tergeý bastaldy.
Jyl basynan beri oblys aýmaǵynda 229 JKO boldy, onda 50 adam qaza taýyp, 261 adam jaraqat aldy.
