Bir perzentke zar bolǵaly qashan. Úıdiń ishi qurqyltaıdyń uıasyndaı jyp-jyly, ár zat ornynda táptishtelip jınalǵan. Kóldeneń jatqan bir tal bógde zat joq. Murajaıdyń ishindegideı jaınap tur. Bosaǵadan tórge deıin kirshiksiz, tap-taza bolsa da áldene jetispeıtin tárizdi. Keshkilik jumystan kelgen soń kóńiliniń qulazyp salatyny bar. Quddy bir bos keńistikte júrgen tárizdi me qalaı? О́mir jaıly oılap kórse, bar maqsat-murattyń da baılanar kindigi sol eken ǵoı. Jaratqan ıem-aý, bar nesibeni bosaǵama baılaǵanyńda bir shıki ókpeni qımaǵanyń qalaı? Sarǵaıyp tań atqanda sábıge degen saǵynysh kóz jasy bolyp shylanyp tógilip, jastyǵy shylqyp turatyn. Ańsaǵany da, et júregi ezilip saǵynǵany da, tylsym bir kúshten talmaı tilegeni de sábı edi.
2017 jyly aq túıeniń qarny jaryldy. Tyǵyryqtan shyǵar joldy ózi tapty. Tabıǵat buıyrtpasa amal ne, bir qolyńdy eki ete almaısyń ǵoı. Qarap otyrǵansha tyrbanyp tirshilik etý kerek. Ana bolyp bala tárbıelemese, urpaq ósirmese, boıyndaǵy bar meıirim shapaǵatyn tógip, tańnyń móldir shyǵyndaı tap-taza mahabbatymen áldılemese bári beker emes pe?! Joldasy Vıtalıı Iаkýsevıchpen aqyldasqan. Ishki ister salasynda qyzmet etetin jan joldasy aıtylǵan usynysty quptap, birden qulap tústi. Bálkim ol da osy ýaqytqa deıin janyn jegideı jegen ýaıymmen alysqan shyǵar. Ol da jarynyń qabaǵyna kirbiń túsirmeý úshin, janyn jaralamaý úshin tis jaryp aıta almaǵan bolar. Shańyraqtyń shattyǵyn keltirý úshin, taǵdyr tálkegine ushyraǵan birer balany baýyrlaryna basyp tárbıelep, jetildirgenderi adamgershilik emes pe?! Artynda qalatyn belgi de, urpaq ta sol balalar bolmaq. Ekeýiniń boıyndaǵy bar qasıetti tolaıym qotaryp alsa, keler kúnderdiń kókjıegine jetkizetin jetkinshekter de solar bolary aıdan anyq.
Ile oıǵa alǵandy ońynan oraltý máselesine kóshken. Buryn kim bilgen, mashaqaty kóp sharýa eken ǵoı. Aldymen Nur-Sultan qalasyndaǵy balalar úıinen ózderiniń kóńili qulaǵan sábılerin tańdap alýlary kerek. Onymen de is bite qoımaıdy. Tıisti oryndar bulardyń jaı-kúıin, tabysyn, úı ormanyn tarazy basynan ótkizedi. Kúni erteń onsyz da jandary jaraly, kóńilderi qaraly jas balalar júdep qalmaı ma? Jaýapkershilik júgi myń batpan. Qansha jerden júregiń ezilip tursa da, maqsatyń aıqyn, muratyń belgili bolsa da, uıadaǵy balapandardy qanattandyrý úshin qarymyń qaptal jetýi kerek.
– Árıne, ol da durys qoı, – deıdi balalardyń anasy Iýlııa Valerevna, – neshe qıly adam bolady. Taǵdyr tálkegin bir ret kórip, ashy dámin tatqan balalar endigi arada qıyndyq kórmeýge tıisti. Tabanymyzdan taýsylyp júrsek te alǵan betimizden qaıtqan joqpyz. О́ıtkeni bizdi balalarǵa degen mahabbat qoltyǵymyzdan demep, qolymyzdan jetektep alǵa súıredi.
Aqyry úıelmeli-súıelmeli tórt bala bolashaq ystyq uıa, ata qonystyń tabaldyryǵynan attady. Sol kúni erli-zaıypty Iýlııa men Vıtalııdiń qýanyshynda shek joq edi. Bulardyń talaı tańdy uıqysyz atyryp, talaı kúndi kúlkisiz ótkergenin sezgendeı óz taǵdyrlary bir ret jomarttyq tanytty. Kókten tilegeni qoldaryna oralǵandaı, múmkin emesteı bolǵan syılyq aq joldarynan jolyqqandaı. Budan artyq qandaı qýanysh, qandaı baqyt bolsyn? Tamasha emes pe?! Ánsheıinde qańyrap bos turǵandaı bolyp kórinetin úı ishindegi shattyq keneresinen asyp tógilgendeı. Tórt burysh túgel shalqyǵan dýmanǵa toldy da qaldy. Balalardyń kúmis kúlkisi bos turǵan úıdiń edenine bir ýys aq kúmisti shashyp jibergendeı syńǵyrlaı jónelgeni. Sál qatyńqy júretin qabaqtar jadyrady, muń basqan júzderinen meıirim tógildi.
Únemi at ústinde júretin Vıtalıı Todeýshevıch úıden uzap shyqpaýǵa aınaldy. Aınalyp-úıirilip balapandarynyń janynan tabylady. Qamyrdan qyl sýyrǵandaı eptilikpen balalarǵa áldeneni túsindirip aıtady. Úı sharýasyndaǵy keıbir usaq-túıektiń yńǵaıyn úıretedi. Ermek tabylǵan syńaıly. Joq, bul ermek emes edi. San jyldar boıy perzent ańsaǵan parasatty kóńildiń kókiregindegi sezimderdiń aptyqqan asyǵys bir sáti. Sóz lámi buıryq emes, bazyna ispetti. Ákelik qamqor kóńildiń izetti órimi. Balalar da jaqsy ákeni jatyrqaǵan joq. Birer kúnnen soń ǵumyr boıy qyzyldy-jasyldy dúnıeniń qyzyǵyn birge keship kele jatqandaı baýyr basyp ketti.
Erterekte jaǵdaılaryn jaqsy túsinetin kórshileri, Qarajar aýylynyń turǵyndary bulardy ishteı aıaǵanymen jaranyń aýzyn tyrnap lám-mım deı qoımaıtyn. Áp-sátte shattyq shańyraqtyń túndigin kernep, bereke bosaǵaǵa baılanǵan tusta balalaryńnyń baýy berik bolsyn dep keletinder kóbeıe bastady. Trýs pen Isaevtar otbasylary, burynnan tilektes Ivanovtar da Qabanbaı batyr aýylyndaǵy №41 mekteptiń áleýmettik pedagogteri de qolushyn sozdy.
– Biz balalardy Qarajar aýylynan Rojdestvenskıı aýylyna tasymaldap oqytamyz. Mekteptiń kóligi ózi tasıdy, – deıdi Iýlııa Valerevna, – al balalar baqshasyna baratyndardy ózimiz jetkizemiz. Esh qıyndyǵy joq. Bir qyzyǵy, keıin balalardyń ata-analarynyń qujaty tabylǵanda, olardyń anasy da, ákesi de bizben attas bolyp shyqty, jaqsy yrymǵa sanadyq.
Aldynda bir otbasynyń úsh balasy ǵana edi, al tórtinshi, týǵan aǵalary Leonıd ájeleriniń qolynda bolsa kerek. Tártip boıynsha aǵaıyndy balalardy bir-birimen ajyratýǵa bolmaıdy. Onyń ústine Leonıd te:
– Meni nege bólekteısizder? – dep suraǵan eken.
qaptal jetýi kerek.
– Árıne, ol da durys qoı, – deıdi balalardyń anasy Iýlııa Valerevna, – neshe qıly adam bolady. Taǵdyr tálkegin bir ret kórip, ashy dámin tatqan balalar endigi arada qıyndyq kórmeýge tıisti. Tabanymyzdan taýsylyp júrsek te alǵan betimizden qaıtqan joqpyz. О́ıtkeni bizdi balalarǵa degen mahabbat qoltyǵymyzdan demep, qolymyzdan jetektep alǵa súıredi.
Aqyry úıelmeli-súıelmeli tórt bala bolashaq ystyq uıa, ata qonystyń tabaldyryǵynan attady. Sol kúni erli-zaıypty Iýlııa men Vıtalııdiń qýanyshynda shek joq edi. Bulardyń talaı tańdy uıqysyz atyryp, talaı kúndi kúlkisiz ótkergenin sezgendeı óz taǵdyrlary bir ret jomarttyq tanytty. Kókten tilegeni qoldaryna oralǵandaı, múmkin emesteı bolǵan syılyq aq joldarynan jolyqqandaı. Budan artyq qandaı qýanysh, qandaı baqyt bolsyn? Tamasha emes pe?! Ánsheıinde qańyrap bos turǵandaı bolyp kórinetin úı ishindegi shattyq keneresinen asyp tógilgendeı. Tórt burysh túgel shalqyǵan dýmanǵa toldy da qaldy. Balalardyń kúmis kúlkisi bos turǵan úıdiń edenine bir ýys aq kúmisti shashyp jibergendeı syńǵyrlaı jónelgeni. Sál qatyńqy júretin qabaqtar jadyrady, muń basqan júzderinen meıirim tógildi.
Únemi at ústinde júretin Vıtalıı Todeýshevıch úıden uzap shyqpaýǵa aınaldy. Aınalyp-úıirilip balapandarynyń janynan tabylady. Qamyrdan qyl sýyrǵandaı eptilikpen balalarǵa áldeneni túsindirip aıtady. Úı sharýasyndaǵy keıbir usaq-túıektiń yńǵaıyn úıretedi. Ermek tabylǵan syńaıly. Joq, bul ermek emes edi. San jyldar boıy perzent ańsaǵan parasatty kóńildiń kókiregindegi sezimderdiń aptyqqan asyǵys bir sáti. Sóz lámi buıryq emes, bazyna ispetti. Ákelik qamqor kóńildiń izetti órimi. Balalar da jaqsy ákeni jatyrqaǵan joq. Birer kúnnen soń ǵumyr boıy qyzyldy-jasyldy dúnıeniń qyzyǵyn birge keship kele jatqandaı baýyr basyp ketti.
Erterekte jaǵdaılaryn jaqsy túsinetin kórshileri, Qarajar aýylynyń turǵyndary bulardy ishteı aıaǵanymen jaranyń aýzyn tyrnap lám-mım deı qoımaıtyn. Áp-sátte shattyq shańyraqtyń túndigin kernep, bereke bosaǵaǵa baılanǵan tusta balalaryńnyń baýy berik bolsyn dep keletinder kóbeıe bastady. Trýs pen Isaevtar otbasylary, burynnan tilektes Ivanovtar da Qabanbaı batyr aýylyndaǵy №41 mekteptiń áleýmettik pedagogteri de qolushyn sozdy.
– Biz balalardy Qarajar aýylynan Rojdestvenskıı aýylyna tasymaldap oqytamyz. Mekteptiń kóligi ózi tasıdy, – deıdi Iýlııa Valerevna, – al balalar baqshasyna baratyndardy ózimiz jetkizemiz. Esh qıyndyǵy joq. Bir qyzyǵy, keıin balalardyń ata-analarynyń qujaty tabylǵanda, olardyń anasy da, ákesi de bizben attas bolyp shyqty, jaqsy yrymǵa sanadyq.
Aldynda bir otbasynyń úsh balasy ǵana edi, al tórtinshi, týǵan aǵalary Leonıd ájeleriniń qolynda bolsa kerek. Tártip boıynsha aǵaıyndy balalardy bir-birimen ajyratýǵa bolmaıdy. Onyń ústine Leonıd te:
– Meni nege bólekteısizder? – dep suraǵan eken.
Jeti jasar Leonıdtiń jalǵyz aýyz sózi júrekterin ýyljytyp jibergen.
– Aınalaıyn, – depti bolashaq anasy Iýlııa Valerevna, – biz bilmedik qoı, aıyrmaımyz. Eshqashan, eshqaısyńnan aırylmaımyz. Júrek tebirenter, meıirimge toly ana sózin tyńdaı otyryp biz de ishteı taǵdyr sizderdi bir-birińnen eshqashan aıyrmasa eken dep tiledik.
Qutty shańyraqty qonystanǵanda Leonıd 7, Vıktorııa 5, Vıtalıı 2,5, Valerıı 1,5 jasta eken. Qazir ata-ananyń mahabbatyna bólenip, meıirim shýaǵyn sezinip, ósip keledi. Balalar da, ata-ana da baqyt qushaǵynda. Sol qushaqtar ajyramaı, kún keshkenge ne jetsin, shirkin?!
