Shymkenttik sheneýnikter tóbelesi degen túsinikpen jarııalanǵan vıdeo ınternette qyzý talqyǵa tústi.
«Aıbat» jańalyqtar qyzmetiniń habarlaýynsha, tóbeles shyǵarǵan eki adamnyń biri - Shymkenttiń bas ekology Orazǵalı Egemberdıev. Boljam boıynsha ekinshi er adam - onyń qolastyndaǵy qyzmetkeri.
Oqıǵa túngi ýaqytta jeke úıdiń aýlasynda bolǵan. Beınejazbadan er adamdardyń tóbeleske deıin alkogol ishkenin anyq baıqaýǵa bolady. Munyń bári úı aýlasyndaǵy baqylaý kameralaryna túsip qalǵan.
Ekologııa mınıstrligi oqıǵaǵa baılanysty túsinik berýden bas tartty. Biraq atalǵan jaǵdaı boıynsha qyzmettik tekseris bastaldy.
Vıdeony Memlekettik qyzmet isteri agenttigi de tekserýde. Ázirge oqıǵaǵa qatysty derekter jınalyp jatyr.
