«Jaýyngerlerge rızashylyǵymdy bildirgim keledi. Biz umytpaımyz. Qalyp ketken sarbazdar men olardyń lagerler men túrmelerge jabylǵan jaqyndary úshin keshirim suraımyn. Fransııa Respýblıkasy olarǵa qaryzdar», dedi Emmanýel Makron.
Euronews jazýynsha, Prezıdent aljır sarbazdarynyń eńbegin moıyndaý jáne keltirilgen zalaldy óteý týraly zań daıyndalyp jatqanyn habarlady. Birneshe qaýymdastyq mundaı zańdy qabyldaýǵa kópten beri umtylyp keledi. О́temaqy mólsherin esepteý arnaıy komıssııaǵa júkteledi.
Aljırdiń táýelsizdik soǵysy 1954-1962 jyldary boldy. 200 myńǵa jýyq aljırlik fransýzdar jaǵynda soǵysqan otrıadqa alyndy. Soǵys aıaqtalǵannan keıin olardyń kóbi Aljırde qalyp ketti jáne qýǵynǵa ushyrady. Al Fransııadan kómek suraǵan on myńdaǵan adam arnaıy lagerlerge jiberildi. Onda ómir súrý jaǵdaıy óte qıyn boldy.
