GETTY IMAGES
Bul týraly toptyń Syrtqy ister mınıstri Ámir Han Mýttakı málimdedi. BUU ótinishti qarastyryp, sheshim shyǵarady.
Sonymen qatar tálipter Aýǵanstannyń BUU-daǵy elshisi laýazymyna Dohadaǵy ókili Sýheıl Shahındi taǵaıyndady.
BUU ókili habarlaǵandaı, joǵary deńgeıdegi pikirsaıysqa qatysý týraly ótinishti arnaıy komıssııa qaraıdy. Onyń quramynda AQSh, Qytaı jáne Reseıden toǵyz ókil bar. «Alaıda olar kelesi dúısenbide Bas Assambleıa sessııasynyń sońyna deıin jınalýy ekitalaı. Oǵan deıin BUU erejesi boıynsha Aýǵanstannyń uıymdaǵy elshisi Gýlam Isakzaı bolyp qala beredi», dep jazady VVS. Isakzaı kezdesýdiń sońǵy kúni, 27 qyrkúıekte, sóz sóıleıdi dep kútilýde. Alaıda, Talıban onyń «endi Aýǵanstan atynan sóıleı almaıtynyn» málimdedi. Sondaı-aq birneshe eldiń burynǵy prezıdent Ashraf Ǵanıdi kóshbasshysy retinde moıyndamaıtynyn aıtty.
Ǵanı 15 tamyzda tálipter el astanasy Kabýlǵa kirgen kezde Aýǵanstannan ketti.
