22 qyrkúıek saǵat 15:00-degi jaǵdaı boıynsha 5 003 105 respondent onlaın sanaqtan ótti. Olardyń 4 323 686-sy - sanaq.gov.kz saıtynda, 484 878 adam Egov portalynda tirkelý arqyly jaýap berse, 194 541 adam sanaqqa Aitu qosymshasy arqyly qatysty.
Onlaın sanaqtan ótkender sany boıynsha Túrkistan oblysy alda. Munda 603 743 turǵyn sanaqtan ótkeni jaıly habarlama alǵan. Onlaın sanaqtan ótken taǵy 527 233 adam Almaty oblysynda tirkelgen. Úzdik úshtikti Shyǵys Qazaqstan oblysy túıindedi. Munda 437 656 adam sanaq saýaldaryna jaýap berdi.
Bul kórsetkish boıynsha ázirge sońǵy eki oryndy Mańǵystaý jáne Soltústik Qazaqstan oblystary enshilep tur. Bul óńirlerde sáıkesinshe 136 773 jáne 133 377 adam sanaqtan ótipti.
Jergilikti halyq sanyna shaqqandaǵy sanaqtan ótkenderdiń úlesi boıynsha Qyzylorda oblysy alda tur. Munda azamattardyń 43% saýaldarǵa jaýap bergen (1 tamyzdaǵy jaǵdaı boıynsha óńirde 823052 adam tirkelgen). Bul kórsetkish boıynsha Batys Qazaqstan oblysy ekinshi orynda. Munda turǵyndardyń 35,9% búginge deıin sanaqtan onlaın rejımde ótken (1 tamyzdaǵy jaǵdaı boıynsha óńirde 749754 adam tirkelgen).
Ulttyq statıstıka bıýrosy azamattardyń belsendiligi úshin alǵys aıta otyryp, sanaqty onlaın ótýge shaqyrady.
«Sanaq.gov.kz saıty 15 qazanǵa deıin táýlik boıy qoljetimdi. Onlaın sanaqtan ótpegender 1-30 qazan aralyǵynda ıntervıýerlerdiń saýaldaryna jaýap bere alady. Barlyq saýaldar boıynsha 1446 baılanys ortalyǵyna habarlasýǵa bolady. Qońyraý shalý tegin», dep habarlady Ulttyq statıstıka bıýrosy.
