Oqıǵa • 22 Qyrkúıek, 2021

Almatydaǵy atys: sot kúdiktiniń áıeli túsirgen shaǵymdy keıin qaraıdy

370 ret

kórsetildi

1 mın

oqý úshin

Sot almatylyq atqyshtyń áıeli Igor Dýjnovtyń shaǵymyn qaraýdy keıinge qaldyrdy, dep habarlaıdy Egemen.kz.

Gaýhar QAPASh

Almatydaǵy atys: sot kúdiktiniń áıeli túsirgen shaǵymdy keıin qaraıdy

22 qyrkúıekte Almaty qalalyq soty Anaıda Demırchıannyń shaǵymyn qarady. Aqbulaq móltekaýdanyndaǵy atysqa kúdiktiniń áıeli otbasyn úıden shyǵarý týraly sheshimge apellıasııalyq shaǵym túsirgisi kelgen. Ony buryn aýdandyq sot qabyldamaǵan.

Sot bastalǵanda sýdıa hatshydan taraptardyń otyrysqa kelgen-kelmegenin surady. Alaıda daýly úıdiń jańa qojaıyny, talapker Nurahmet Turǵanov sot otyrysyna kelmedi. Ol 20 qyrkúıekte úı ıesi qolynan qaza tapqan bolatyn. Sot otyrysynda marqumnyń advokaty qorǵaýshysynyń kelmegenin málimdedi.

Osyǵan baılanysty, sot talapkerdiń qaza bolǵany týraly kýálikti ákelýdi talap etti. Bul qujat áli daıyn bolmaǵandyqtan, sot shaǵymdy qaraýdy 5 qazanǵa qaldyrdy.

Buǵan deıin almatylyq atqyshtyń áıeli Anaıda Demırchıan otbasyn úıden shyǵarý týraly sheshimge apellıasııalyq shaǵym túsirgen.

Esterińizge sala keteıik, oqıǵa 20 qyrkúıekte keshke bolǵan, shamamen saǵat 17.20 shamasynda Aqbulaq móltekaýdanyndaǵy úı ıesiniń biri ańshy myltyǵynan oq atqan. Ol sot sheshimin oryndaýǵa kelgen adamdarǵa oq jaýdyrdy. Kýágerlerdiń aıtýynsha, atys bir mınýt ishinde bolǵan.