Álem • 22 Qyrkúıek, 2021

Chehııa Prezıdenti aýrýhanadan shyqty

1 mın

oqý úshin

Chehııa Prezıdenti Mılosh Zeman bir apta emdelip, aýrýhanadan shyǵaryldy, dep habarlaıdy Egemen.kz.

Gaýhar QAPASh

Prezıdent ókili Mılosh Zeman Pragadaǵy Ortalyq áskerı ýnıversıtet gospıtalinen shyǵyp, medısınalyq tekserýden ótkenin aıtty. Ol Prezıdenttiń jaǵdaıy men emdelýine qatysty suraqtarǵa jaýap bermedi.

Sonymen qatar ol Zemannyń aldaǵy kúnderge arnalǵan jumys baǵdarlamasy týraly aıtty. Chehııa basshysy Premer-Mınıstrdiń orynbasary, qarjy mınıstrimen kezdesedi, sondaı-aq Bostandyq jáne tikeleı demokratııa qozǵalysynyń jetekshisi Tomıo Okamýramen kelissózder júrgizedi.

76 jastaǵy Zeman aýrýhanaǵa 14 qyrkúıekte túsken. Keıin saıasatker shamaly sharshaý jáne aǵzadaǵy sý mólsheriniń tómendeýine baılanysty aýrýhanaǵa jatqyzylǵany belgili boldy.

Mılosh Zeman - cheh memlekettik jáne saıası qaıratkeri, 2013 jyldyń 8 naýryzynan bastap Chehııanyń Prezıdenti. 1993 jyldan 2001 jylǵa deıin cheh sosıal-demokratııalyq partııasyn basqarǵan.