Úkimet • 23 Qyrkúıek, 2021

Bul – «tilsiz jaý» taǵy bas kóteretin kez

31 ret kórsetildi

Prezıdent janyndaǵy Ortalyq kommýnıkasııalar qyzmetinde «Elimizdegi órt qaýipsizdigi. Qazirgi ahýal» taqyrybynda baspasóz máslıhaty ótti.

Jıynǵa qatysqan Tótenshe jaǵ­daı­lar mınıstrligi О́rtke qarsy qyzmet komıteti basqarmasynyń bas­tyǵy Erlan Tóregeldıev qutqarý bólim­sheleri kún saıyn orta eseppen ártúrli sıpattaǵy TJ joıýǵa 100-150 ret shyǵatynyn atap ótti. 

«Bıyl 8 aıda 7 myńnan astam órt boldy. О́rt kezinde 1 myńnan astam adam qutqaryldy. 217 adam jaraqat alyp, 251 adam qaıtys boldy.  Jalpy, órt sanynyń 7,8%-ǵa azaıǵany  baıqalady: turǵyn úı sektorynda 12,6% (2020 – 5 000, 2021 – 4 371), baqylanatyn obektilerde 1,5%-ǵa  (2020 – 639, 2021 – 629) azaıǵan.

Sonymen qatar orman órti 11,9%-ǵa óskenin (2020 – 621, 2021 – 695) jáne dala órtiniń 19,3%-ǵa azaıǵanyn (2020 – 119, 2021 – 96) aıtyp ótken jón. Zańnamaǵa sáıkes orman qoryn qorǵaý Ekologııa mınıstrliginiń Orman sharýashylyǵy komıtetine júktelgen, al dala – jergilikti atqarýshy organ­dardyń jaýapkershilik aımaǵy», dedi vedomstvo ókili.

Tabıǵı órtterdiń týyndaý qaýip-qaterin boldyrmaý jáne azaıtý maqsatynda ortalyq jáne jergilikti atqarýshy organdar aldyn alýdyń keshendi sharalaryn júrgizedi.

«TJM qyzmetkerleri aldyn alý jumystaryn júrgizýde. Bul – órt qaýpi joǵary kezeńge daıyndyqty tekserý. О́tken kezeńde 14 myńǵa jýyq birlesken reıd júrgizildi. Ruqsat etilmegen órteý, aýyl sharýashylyǵy al­qaptarynda qurǵaq shóptiń baqy­laýsyz janýy, orylǵan shópti jaǵý jáne basqa da órt qaýipsizdigi ere­jelerin buzǵany úshin 3 125 adam ákimshilik jaýapkershilikke tartyldy. Profılaktıkalyq jumys órt qaýipti kezeń aıaqtalǵanǵa deıin jalǵasatyn bolady», dedi TJM О́rtke qarsy qyzmet komıtetiniń ókili Tileýberdi Mádıev.

О́rt qaýipsizdigi salasyndaǵy aldyn alý boıynsha júrgizilip jatqan jumystarǵa qaramastan, elde sharýa­shylyq júrgizý obektilerinde iri jáne kúrdeli órt bolyp turady. Bıyl 9 qyrkúıekte Almaty oblysynyń Esik qalasyndaǵy «Turar» bazarynyń aýmaǵynda 512 sharshy metr aýmaqta saýdaǵa beıimdelgen konteınerler janǵan. Zardap shekken jáne qaıtys bolǵan adamdar joq. Keltirilgen zalal anyqtalýda. О́rttiń aldyn alý sebebi – konteıner ishindegi elektr symdarynyń qysqa tuıyqtalýy.

Jalpy, órtterdiń negizgi úlesi turǵyn úı sektoryna tıesili, bul 58%-dy quraıdy, sondaı-aq kóliktegi órt úlesi – 18%.

Kúzdiń sýyq kúnderiniń bastalýyna baılanysty TJM turǵyndarǵa pesh jabdyqtaryn jylytý maýsymyna daıyndaýǵa jáne órt qaýipsizdigi talaptaryn saqtaýǵa shaqyrady.

Jylytý peshteri men júıeleriniń tútin murjalary jáne basqa element­teri tikeleı jylytý maýsymy bastalar aldynda, sondaı-aq jylytý maýsymy kezinde úsh aıda bir ret jylytý peshteri úshin, eki aıda bir ret úzdiksiz jumys isteıtin peshter men oshaqtar úshin kúıeden tazartylýǵa tıis.

Ot jaǵylǵan peshterdi qaraýsyz qaldyrýǵa, sondaı-aq olardy qadaǵa­laýdy balalarǵa tapsyrýǵa, jaǵý úshin daıyndalǵan otyndy, basqa da janǵysh zattar men materıaldardy jaǵý aldynda paraqqa ornalastyrýǵa, qatty otynmen janatyn peshterdi jaǵý úshin tez tutanatyn jáne janǵysh suıyqtyqtardy qoldanýǵa, jeldetý jáne gaz kanaldaryn murjalar retinde paıdalanýǵa tyıym salynady.

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar