О́ńdeý ónerkásibi salasynda jıhaz, hımııa ónerkásibi, elektr jabdyǵy, daıyn metall, kıim-keshek, sýsyndar, tamaq ónimderi, toqyma buıymdary men munaı óńdeý ónimderiniń naqty kórsetkish ındeksi 100 paıyzdan asady.
О́nim kólemi artqan salanyń biri – hımııa ónerkásibi. Bul sala óndirisi ótken jylmen salystyrǵanda 58,8 paıyzǵa artqan. Kásiporyndarda jyl basynan beri 6,1 mlrd. teńgeniń ónimi óndirilip, kórsetkish 158,8% quraǵan. Mundaı ónimderge sabyn, ártúrli jýý quraldary, spırt tyńaıtqysh, boıaý jáne kómirtegi dıoksıdi kiredi.
Sabyn óndirýde qalada kósh bastap turǵan «Shymkentmaı» AQ qaldyqsyz óndiris tehnologııasyn qoldanýdyń arqasynda júzege asyryp otyr. Kásiporynnyń negizi maıdy qaıta óńdeý ónimderi bolyp tabylady. Dástúrli kir sabynnan bólek, quramynda kokos maıy bar sabyn da shyǵarady.
