«23 qyrkúıek túngi saǵat 23:15 shamasynda Jýaly aýdanynyń B.Momyshuly jáne Qoshqarata tas joldarynyń 24-shaqyrymynda Audi-80 jáne ZIL-130 avtokólikteriniń soqtyǵysty. Saldarynan avtokólikter órtke oranyp, Audi-80 avtokóliginiń júrgizýshisi men jolaýshysy oqıǵa ornynda kóz jumdy», dep jazady Polisia.kz.
ZIL-130 avtokóliginiń júrgizýshisi men jolaýshysy túrli jaraqattarmen Jýaly aýdanynyń ortalyq aýrýhanasyna jetkizilgen.
Atalǵan derekke qatysty QR Qylmystyq kodeksiniń 345-baby 4-bóligi boıynsha sotqa deıingi tergeý amaldary bastaldy. Jol-kólik oqıǵasynyń sebepteri anyqtalýda, birqatar saraptamalar taǵaıyndaldy.
QR Qylmystyq ister jónindegi kodekstiń 201-baby negizinde tergeý múddesinde istiń mán-jaıy jarııa etilmeıdi.
