Kezdesý qatysýshylaryna sondaı-aq BUU Bas Assambleıasy 76-shy sessııasynyń tóraǵasy Abdýlla Shahıd jáne BUU-nyń eń osal damýshy elderge arnalǵan Joǵary ókili Kortnı Rattreı quttyqtaý hattaryn joldady.
Otyrysty ashqan Mınıstr pandemııadan neǵurlym zardap shekken osal elderdiń osy toby halyqaralyq áriptester men donorlar tarapynan barabar qoldaýdy talap etetinin atap ótti. Qazaqstan 2020-2021 jyldarǵa arnalǵan TShJDE tobynyń jahandyq tóraǵasy bola otyryp, eki jylǵa jýyq ýaqyt boıy barlyq tıisti halyqaralyq alańdarda top elderiniń múddelerin qorǵady jáne ilgeriletti.
Kezdesý qorytyndysy boıynsha Mınıstrlik deklarasııasy qabyldanyp, onda, atap aıtqanda, Qazaqstannyń bastamasy boıynsha top elderiniń problemalaryn, onyń ishinde álemdik naryqtardan alystyǵymen jáne tranzıttik elderge táýeldiligimen baılanysty problemalardy sheshýde progresti jedeldetý jónindegi Jol kartasyn iske asyrýdy turaqty úılestirý boıynsha jańa hatshylyqty qurýǵa shaqyrý kóterildi. Qazaqstandyq tóraǵalyq bastamashy bolǵan jáne ótken jyldyń qyrkúıeginde qabyldanǵan bul qujat 2024 jylǵa deıingi kezeńde osy mindetterdi jedel iske asyrý úshin barlyq múddeli taraptardyń kúsh-jigerin biriktirýge yqpal etedi.
Is-sharaǵa 85-ten astam delegat, onyń ishinde 32 eldiń syrtqy saıası vedomstvolarynyń jáne áriptes elderdiń basshylary, IýNIDO, FAO, IýNKTAD, AzTMEÁK, MOMD, DSU, EEK jáne t.b. sııaqty BUU halyqaralyq uıymdary men agenttikteriniń basshylary qatysty.
Sondaı-aq kezdesý aıasynda 2022-2023 jyldarǵa TShJDE tobynyń kelesi tóraǵasy – Botsvana saılandy.
Teńizge shyǵa almaıtyn damýshy elder tobyna jarty mıllıardtan astam halqy bar 32 el kiredi. Qazaqstan teńizge shyǵa almaıtyn eń iri aýmaqtyq jáne álemdik muhıttan eń alys (3000 km-den astam) memleket bolyp tabylady.
Sol kúni M.Tileýberdi Iаdrolyq synaqtarǵa jan-jaqty tyıym salý týraly sharttyń (IаSJTSh) kúshine enýine járdemdesý jónindegi mınıstrlik konferensııaǵa qatysty. Ol óz sózinde Qazaqstannyń Tuńǵysh Prezıdenti Nursultan Nazarbaevtyń 1991 jyly Semeı synaq polıgonyn jabý týraly tarıhı sheshiminiń 30 jyldyǵyn atap ótti, óıtkeni bizdiń elimizdiń úlgisin ıadrolyq synaqtardan bas tartty basqa elder ustanyp, bul 1996 jyly IаSJTSh-nyń qabyldanýyna negiz boldy.
Mınıstr IаSJTSh-ny ratıfıkasııalamaǵan elderdi Sharttyń kúshine enýine óz úlesin qosýǵa shaqyrdy.
IаSJTSh ıadrolyq qarýdy synaýǵa jahandyq tyıym salýdy belgileıdi jáne onyń oryndalýyn baqylaýdy kózdeıdi. Qazaqstan men Japonııa 2015 jyly IаSJTSh-nyń kúshine enýine járdemdesý jónindegi konferensııaǵa teń tóraǵalyq etti.
