«Jalpy epıdemıologııalyq jaǵdaı jaqsaryp keledi. Barlyq óńirlerde vırýs juqtyrý deńgeıi birshama azaıdy. Degenmen, «Qyzyl» aımaqta Almaty jáne Nur-Sultan qalalary men Qaraǵandy, Pavlodar jáne Aqmola oblystary qalyp otyr. Sondyqtan epıdemıologııalyq jaǵdaıdy baqylaýda ustaý, vaksınasııalaýdy jalǵastyrý qajet», dedi Asqar Mamın.
Úkimet basshysynyń dereginshe, qazirgi ýaqytta birinshi komponent 7,5 mln astam adamǵa, ekinshi komponent 6,4 mln. adamǵa salyndy.
«Sonymen birge tumaý men basqa da respıratorlyq ınfeksııalar boıynsha profılaktıkalyq jáne epıdemııaǵa qarsy is-shara qoldaný qajet. Tumaýǵa qarsy vaksınasııalaý úshin 2,5 mln doza vaksına ákelindi. Halyqty tumaýǵa qarsy vaksınasııalaýdy jandandyryp, medısına uıymdarynyń tumaý juqtyrǵan naýqastardy qabyldaýǵa ázirligin qamtamasyz etý qajet», degen Premer-Mınıstr jalpy baqylaýdy orynbasary Eraly Toǵjanovqa júktedi.
