06 Aqpan, 2014

Nasıhatshylardyń nátıjeli jumysy

122 ret kórsetildi
Jer-jerde Elbasy Joldaýyn elge túsindirgen aqparattyq-nasıhattyq top jumys istep jatyr. Basty mindet – Elbasynyń  aldymyzǵa qoıyp otyrǵan uly mindetterin uǵyndyryp, soǵan jeter joldyń qandaı ekenin kórsetý. Qyzylorda oblysyndaǵy aq­­parattyq-nasıhattyq topty aımaq basshysy Qyrymbek Kó­sher­baevtyń ózi basqaryp, aýdandardy aralap júr. Quramynda Qazaqstannyń qos Eńbek Eri Abzal Eralıev pen Iýrıı Pıa bar top Aral, Qazaly, Qarmaqshy aý­­dandaryn aralady. Oqyrman ta­rapynan «Pıa nege júr?» degen suraq týyndaýy múmkin. О́ıt­keni, Iýrıı Pıanyń kindik qany tamǵan jer – Qyzylorda oblysy. Ataqty dáriger Qarmaqshy aýda­nyndaǵy III ınternasıonal aýylynda ómirge kelgen. Bi­raq erterekte kóship ketken. Jol­daýdy nasıhattaý barysynda Eń­bek Eri ózi týǵan úıge baryp, balalyq shaǵymen qaýyshqandaı boldy. Oblys ákimi Qyrymbek Kó­sherbaev, Qazaqstannyń Eńbek Eri Abzal Eralıev, oblystyq más­lıhattyń hatshysy Bekmyrza Elamanov bastaǵan aqparattyq-nasıhattyq top Shıeli, Jańa­qor­ǵan aýdandarynda boldy. Olar eń birinshi Jańaqorǵan aýda­­nyndaǵy kezinde beldi sharýa­shylyqtardyń biri bolǵan, bul kúnderi de ujymdasyp tir­shi­lik etýdiń ózindik úlgisin qalyp­tastyrǵan Túgisken aýylyna bardy. Túgiskendegi Ánýar Ábý­tá­lipov atyndaǵy orta mektep 600 oryndyq jańa ǵıma­ratqa kóshti. Munda qazir aýyl ba­lalary bir aýysymda oqyp, keń de jaryq ka­bınetterde dáris alyp jatqan jaıy bar. Ákim bastaǵan alqaly top osy mek­teptiń jumysymen ta­nysyp, aýyl turǵyndarymen kez­desip, pikirlesti. Shıeli aýdanyndaǵy Eńbekshi aýylyndaǵy jańa mektep te paı­dalanýǵa berildi. Buǵan deıin apat­ty mektepte bilim alyp kel­­gen balalardyń qýa­ny­shyn­da shek joq. Aýyl aqsaqal­dary El­ba­synyń syndarly saıasa­ty­nyń, aımaq basshy­sy­nyń naqty ju­my­synyń arqa­synda mekteptiń tez jáne sapaly salynǵany, solaısha el ıgiligine aınalǵany týraly aı­typ, iltıpattaryn jetkizdi. Mek­­tepti tolyq aralap shyqqan aq­pa­rattyq-nasıhattyq top ókil­deri jas jetkinshekterdiń bola­sha­ǵyna aq jol tiledi. Sapary barysynda oblys basshysy toqsan jastyń tó­rin­degi Sosıalıstik Eńbek Eri Shy­ryn­kúl Qazanbaevanyń otbasynda boldy. Keshegi kún men búginniń qos Eńbek Erin qatar kórgen, Era­lıevtiń Qazanbaevadan bata alǵanyn kórgen de bir ǵanıbet eken. Onan soń Ybyraı Jaqaev atyndaǵy murajaıǵa bardy. Dala akademıgi atanǵan atamyzdyń bıýstine gúl shoqtaryn qoıyp, aýyl adamdarymen júzdesti. Bul da ótkenge qurmettiń bir bel­gisi edi. Jańaqorǵan jáne Shıe­li aýdandarynyń aktıv jıy­nyn­da aımaq basshysy tarıhı qujat­taǵy basym baǵyttardy keń kólemde tarata áńgimeledi. Osy maqsatta túıindi oılary­men bó­listi. Syr óńiriniń ót­ken jyl­­dyń qorytyndysy boıyn­sha, eko­nomıkalyq-áleý­met­tik sala­daǵy qol jetken jetis­tik­terine toq­taldy. Ákim aktıv jıyndaryndaǵy sózine munaı-gaz salasynyń jańa oryndaryn barlaý, ońtústik aýdandarda metallýrgııa men ýran óndirisin damytý, «Shalqııa» ke­nishin qaıta iske qosý, shyny zaýytynyń qurylysyn salý, orta jáne shaǵyn kásipkerlikti qoldaý men óristetýdiń tyń qa­dam­daryn arqaý etti. Sondaı-aq, baıyrǵy daqyl – kúrishti ja­ńa tehnologııa­men ósirip, sapa­syn arttyrý jáne de salany árta­rap­tandyrý sóz boldy. Erjan BAITILES, «Egemen Qazaqstan». Qyzylorda oblysy.
Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar