27 qyrkúıekte «KamAZ» júk kóliginiń júrgizýshisi tirkemesimen «Mal bazar» aınalma qozǵalysy jaǵynan Jańaqonys kenti baǵytynda, Ońtústik aınalma jolymen júrip kele jatqanda qozǵalys úshin kedergi jáne qaýip týyndaǵan kezde jyldamdyqty tómendetpeı, kedergini qaýipsiz aınalyp ótpeı, joldyń júrý bóligi boıymen ilespe baǵytta kele jatqan 39 jastaǵy jaıaý júrginshini qaǵyp ketken.
Jol-kólik oqıǵasy saldarynan jaıaý júrginshi oqıǵa ornynda alǵan jaraqattarynan kóz jumdy.
QR QK 345-baby 3-bóligi (JQE buzý) boıynsha tergeý amaldary júrgizilýde.
«Jaıaý júrginshilerdiń jol apatynan alǵan jaraqattary kóbinese aýyr zardaptarǵa ákeledi. Sondyqtan jaıaý júrginshi erejelerdi bilýi jáne qatań saqtaýy kerek. Belgilengen oryndarda joldy kesip ótý, jaryq shaǵylystyratyn elementter kııý, jol jıegimen tek kólik qozǵalysyna qaraı júrý. Jol bóligi nashar bolsa da, ásirese qarańǵy ýaqytta jaıaý júrginshi joldyń boıymen júrmeýi kerek. Bul óte qaýipti», dep túıindedi Atyǵaı Arystanov.
