Aımaqtar • 29 Qyrkúıek, 2021

Aýyz sý óndirisine memlekettik qyzmetshiler jaýapty

240 ret kórsetildi

Mańǵystaý óńirinde aýyz sý máselesi – jyldar boıǵy jyr. Turǵyndar sany artqan saıyn másele qordalanyp, jyldan jylǵa ysyrylǵan súr sıpatqa endi.

2021 jyly 22 qyrkúıekte Prezıdent Qasym-Jomart Toqaev Mańǵystaý oblysyna kelgen ­sa­parynda óńirdiń áleýmettik-eko­nomıkalyq damýy jóninde ótken keńeste «Kaspıı» sý tu­shytý zaýytynyń qýattylyǵyn art­tyrý jobasynyń sozylyp ket­kenin jáne qunynyń ósýin syn­ǵa alyp, atalǵan jobany ke­lesi jyldyń sońyna deıin aıaq­taýdy tapsyrǵan bolatyn. «Aımaq basshysy N.Noǵaev 2022 jyl­dyń sońyna deıin óndirisi eki ese artatyn «Kaspıı» sý tu­shytý zaýytynyń qýattylyǵyn ulǵaıtý jobasymen tanysty», dep habarlady oblys ákiminiń baspasóz qyzmeti.

Qazirgi ýaqytta zaýyt táý­ligine 20 myń tekshe metr sý tu­shy­týda. Keńeıtý jobasy aıaq­tal­ǵannan keıin kásiporynnyń tehnıkalyq múmkindigi táýligine 40 myń tekshe metrge deıin, ıaǵnı eki esege ulǵaıady. Jobanyń qu­ny – 12,3 mlrd teńge, onyń ishin­de respýblıkalyq bıýdjet­ten 7,7 mlrd teńge bólindi. Qal­ǵan bóligi de respýblıkalyq bıýd­jetten suralady. Tıisti bıýd­jettik ótinim mınıstrlikke ji­be­rildi. Joba 2022 jyldyń ekin­shi toqsanynda aıaqtalady dep kútilýde. Zaýyttyń jumysymen tanysqan oblys ákimi Nurlan Noǵaev jaýapty tulǵalarǵa bir­qatar naqty tapsyrma júktedi.

– О́ńirdi aýyz sýmen úzdik­siz qamtamasyz etý – eń basty min­det jáne bul Memleket basshy­synyń jeke baqylaýynda. Jo­baǵa qatysty barlyq laýa­zym­dy tulǵalar aýyz sý óndi­risin ulǵaıtýǵa baǵyttalǵan ju­mys­tardyń merziminde iske qosy­lýyna jeke jaýap beredi, – dedi oblys ákimi.

 

Mańǵystaý oblysy

 

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar