Bul týraly Deutsche Welle basylymy málim etti.
Basylym málimetinshe, jynystyq zorlyq-zombylyqtyń 80-nen asa jaǵdaıy anyqtaldy, onyń ishinde DDSU-nyń 20 qyzmetkerine aıyp taǵyldy.
Aıta keteıik, BUU tergeýdi 2020 jyldyń qazanynda The New Humanitarian jáne Thomson Reuters Foundation jarııalaǵan aqparattan keıin bastady. Onda 30-ǵa jýyq áıel Dúnıejúzilik densaýlyq saqtaý uıymynda jumys isteıtin er adamdardy aıyptady.
Jalpy alǵanda, 51 áıel BUU-nyń DDSU, IýNISEF jáne halyqaralyq kóshi-qon uıymy (HKU) sııaqty organdarynda ǵana emes, sonymen qatar, Oxfam, Shekarasyz dárigerler (MSF), World Vision jáne ALIMA sııaqty kómek kórsetý uıymdaryna qatygezdik týraly habarlaǵan.
DDSU bas dırektory Tedros Adhanom Gebreıesýs Kongodaǵy seksýaldyq zorlyq-zombylyq jaǵdaılary úshin keshirim surady.
Aqparat boıynsha, qazir 83 aıyptalýshynyń kim ekeni BUU ókilderine belgili. Olardyń ishinde Kongo azamattary da, sheteldikter de bar. Uıym tergeýshileri 2018-den 2020 jylǵa deıin, Kongoda Ebola aýrýymen kúres kezindegi 21 jaǵdaıda DDU-nyń qyzmetkeri kináli ekenin anyqtady.
Buǵan deıin DDSU álemdegi áıelderdiń úshten biri ómir boıy fızıkalyq nemese jynystyq zorlyq-zombylyq kóretinin anyqtaǵan.
