Kóshi-qon qyzmetkerleri «Ýchaske» jedel aldyn alý is-sharasy kezinde jeke basyn kýálandyratyn qujattarsyz turatyn, sondaı-aq 1974 jylǵy úlgidegi KSRO pasportyn ýaqtyly almastyrmaǵan adamdardy anyqtaý jumysy júrip jatyr.
Bul adamdar jeke basyn kýálandyratyn qujat bolmaýyna baılanysty densaýlyq saqtaý, bilim berý qyzmetin alýda, qajetti járdemaqy men zeınetaqyny resimdeýde shekteýli. Sonymen qatar resmı jumysqa ornalasýǵa múmkindigi joq.
Jyl basynan beri 1974 jylǵy úlgidegi KSRO pasportymen júrgen 150-den astam adam anyqtaldy.
«Osylaısha, Altaı aýdanynyń polısııa bólimine 49 jastaǵy azamat júginip, ol 1988 jyly Ýkraınada berilgen 1974 jylǵy úlgidegi KSRO pasportymen júrgenin aıtqan. Er adam Qazaqstanǵa 90-shy jyldary kelip, О́skemen qalasynda áskerı qyzmetin ótegen. Jańa Buqtyrma kentinde jumys istep, ómir súrgen. 25 jyldan astam ýaqyt boıy qujattardy joldasa da Ýkraınadan jaýap kelmegen», dedi ShQO PD bastyǵy Saǵat Madıev.
Kóshi-qon qyzmetkerleri Qazaqstan Respýblıkasynyń konsýldyǵy arqyly Ýkraınadan qajetti qujattardy suratýǵa járdem kórsetken. 17 qyrkúıekte azamatqa QR azamatynyń jeke kýáligi rásimdeldi.
«Osyǵan baılanysty qandaı da bir sebeptermen jeke basyn kýálandyratyn qujattary joq azamattarǵa Qazaqstan Respýblıkasy azamatynyń nemese azamattyǵy joq adamnyń jeke kýáligin resimdeý úshin turǵylyqty jeri boıynsha kóshi-qon qyzmetine júginýge keńes beremiz», dep jazady Polisia.kz.
