SQO polısııa departamenti baspasóz qyzmetiniń málimetinshe, óńirde bıyl 1750 qylmystyq istiń 473-i mas kúıde jasalǵan. Olardyń basym bóligi dene jaraqattaryn keltirý, buzaqylyq, avtokólikti aıdap áketý, urlyq. Jyl basynan polıseıler qoǵamdyq oryndarǵa mas kelgen 8776 adamdy jaýapkershilikke tartty. Quramynda spırti bar ónimderdi satýǵa qoıylǵan shekteýlerdi saqtaýǵa erekshe kóńil bólinedi.
Elimizde quramynda 30% alkogol bar sýsyndardy saǵat 23.00-den tańǵy saǵat 8.00-ge deıin satýǵa tyıym salynǵan. Qýattylyǵy kúshti ishimdikti saǵat 21.00-den saǵat 12.00-ge deıin satýǵa shekteý qoıylǵan. Qańtardan bastap oblysta alkogol ónimderin satý qaǵıdalarynyń 106 buzýshylyǵy anyqtaldy. Sonymen qatar 137 saýda orynynyń ıesi ruqsat qujatsyz ishimdik satqany úshin jazalandy. Lısenzııalanbaǵan alkogol satqany úshin 9 adam jaýapqa tartyldy. Zańsyz aınalymnan 5829 lıtr quramynda spırt bar ónim alyndy.
