Etnosaralyq kelisim – turaqtylyq kepili

Bul derekter Qazaqstan hal­qy Assambleıasy Tóraǵasynyń orynbasary Marat Ázilhanov pen Aqparat jáne qoǵamdyq damý mınıstrligi Etnosaralyq qatynastardy damytý komı­te­tiniń tóraǵasy Ǵalym Shoı­kın­niń Túrkistan oblysyna is­sapary aıasynda ótken aýdan­dar­daǵy etnomádenı birles­tik­teri ókilderimen kezdesý­lerde keltirildi. Qazyǵurt, Sary­aǵash, Tólebı, Keles, Jeti­saı, Maq­taaral, Shardara aýdan­da­rynda jáne Arys qala­syn­da ótken kezdesýlerde etnos­ara­­lyq turaqtylyqty nyǵaıtý sala­syn­daǵy jumystyń tıimdiligin odan ári arttyrý máseleleri tal­qylandy. Táýelsizdiktiń 30 jyl­dyǵy Assambleıa jumysynda úlken ózgerister bolǵan jylmen tuspa-tus kelgenin atap ót­ken Marat Ázilhanov túrli et­nostar ókilderiniń arasynda qazaqstandyq azamattyq bi­regeılikti nyǵaıtý, etnos­ara­lyq ózara is-qımyldyń keń kom­mý­nıkasııalyq alańda­ryn qa­lyp­tastyrý boıynsha nysa­naly birlesken jumys qajetti­gin aıtty. Al Ǵalym Shoıkın mem­lekettik qyzmetshilerdiń ju­my­syna jáne olardyń eldegi etnosaralyq turaqtylyqty ny­ǵaıtýdaǵy róline, memlekettik organdardyń etnosaralyq keli­simdi qamtamasyz etý salasynda­ǵy jumysyn jetildirý máseleleri­ne nazar aýdardy. Iаǵnı sapaly taldaý jáne monıtorıng júrgizý qajet, halyqpen aýqymdy aq­pa­rattyq jáne aqparattyq-túsin­dirý jumysyn uıymdastyrý da mańyzdy. Sondaı-aq kezdesýde jastardy ıntegrasııa rýhynda tárbıeleý, memlekettik tildi meń­gerý, basqa mádenıetter men dás­túrler ókilderimen ózara is-qımyl jasaýǵa beıildilik tanytý qajettiligi atap ótildi. Bul baǵytta Assambleıanyń barlyq qurylymy, Analar keńesteri, Qoǵamdyq kelisim keńesteri, jas­tar uıymdary etnosaralyq kommýnıkasııa alańy retinde jumys isteýi tıis.

Al Saıram aýdany Qarabu­laq aýyldyq okrýginde ótken kezek­ti jıyn­ǵa Túrkistan oblysy áki­miniń orynbasary S.Qalqamanov qatysyp, óńirdegi etnosaralyq kelisimdi nyǵaıtý baǵytynda atqarylyp jatqan jumystarǵa toqtaldy. Kezdesýde Marat Ázil­hanov Memleket basshysy­nyń jańa Joldaýynyń erekshe mańyz­dylyǵyn, «Ulttyń uıy­sýy – odan ári damýdyń basty faktory» dep atalatyn jetinshi bólimi tatýlyq pen kelisim saıasaty máselelerine arnalǵanyn atap ótti. Jalpy Saıram aýda­nyndaǵy Qarabulaq aýylynda 53 myńǵa jýyq halyq turady. Turǵyndardyń kópshiligi ózbek etnosynyń ókilderi. Aıadaı aýylda ortasha eseppen 50 myń bas iri qara mal bordaqylanady. Bul aýyldy kópshilik Qazaqstannyń kishigirim et daıarlaý kombınaty dep te jatady. Kún saıyn osy aýylda ortasha eseppen 100 tonnaǵa jýyq et óndirilip, Shymkent, Almaty qalalaryndaǵy bazarlardy etpen qamtamasyz etedi.

Kezdesýde sóz alǵan Saıram aýdandyq ózbek etnomádenı bir­les­ti­giniń tóraǵasy G.Raımkýlov aımaqtaǵy etnosaralyq tatýlyq pen kelisim baǵytynda atqarylyp jatqan jumystardy baıandady. Jıyndy qorytyndylaǵan Marat Ázilhanov etnosaralyq ózara is-qımyldyń keń kommýnıkasııalyq alańdaryn qalyptastyrý baǵy­tynda nysanaly jáne birlesken jumysty jalǵastyrý qajettigin aıtyp ótti.

Túrkistan oblysy