Bul týraly reseılik sheneýnik TASS agenttiginiń suraǵyna bergen jaýabynda aıtty. Dúnıejúzilik densaýlyq saqtaý uıymynyń bas dırektory Tedros Adanom Gebreııýspen kezdesýi qalaı ótkenin baıandaǵan reseılik mınıstr «Spýtnık V»-di halyqaralyq deńgeıde tirkeý múmkindikteri týraly aıtady.
«Reseı Federasııasynyń reseılik «Spýtnık V» vaksınasyn ilgeriletý jáne tirkeý týraly ustanymy tyńdaldy. Biz búginde máselelerdiń bárin tolyǵymen joıdyq. О́tinish berýshi – Dúnıejúzilik densaýlyq saqtaý uıymynyń alańynda «Spýtnık V» vaksınasyn tirkeýmen aınalysatyn kompanııa birqatar qujattarǵa qol qoıyp, birqatar qosymsha qujattardy usynýy kerek. Bul ákimshilik rásim jáne bul qarastyrylady», degen Reseıdiń Densaýlyq saqtaý mınıstri «Spýtnık V» vaksınasyn tirkeý boıynsha endi eshbir kedergi qalmaǵanyn aıtty.
«Búgingi tańda barlyq kedergiler joıyldy. Sondyqtan biz búgin odan ári jumys isteýge eshqandaı kedergi kórip otyrǵan joqpyz. Muny bizge Dúnıejúizilik densaýlyq saqtaý uıymynyń bas dırektory rastady», dedi ol.
TASS agenttiginiń jazýynsha, Gebreıesýs Reseı Twitter-degi jazbasynda atalmysh kezdesý tarly pikir bildirip, onyń barysynda Dúnıejúzilik densaýlyq saqtaý uıymy shuǵyl qoldanýǵa usynǵan dári-dármekter tizimine koronavırýsqa qarsy vaksınalardy engizý prosedýrasy talqylanǵanyn atap ótti.
Eske salsaq, «Spýtnık V» vaksınasy Qazaqstan azamattary eń kóp qabyldaǵan vaksına bolyp sanalady. Qaraǵandy qalasynda reseılik vakınany jasaıtyn zaýyt ta jumys istep tur.
