Qoǵam • 03 Qazan, 2021

Nur-Sultan polısııasy júrgizýshilerge eskertý jasady

77 ret kórsetildi

Nur-Sultanda aýa raıynyń qolaısyzdyǵyna baılanysty ótken táýlikte 65, tańerteńnen beri 18 jol apaty boldy, dep jazady Egemen.kz.

Polısııa qyzmetkerleri júrgizýshilerge jol qozǵalysy erejelerin saqtaý qajettigin eskertti.

«Jol qozǵalysyna qatysýshylardyń nazaryna! Aýa raıynyń nasharlaýyna baılanysty Nur-Sultan polısııa departamenti júrgizýshilerdi jol erejesin qatań saqtaýǵa, ruqsat etilgen jyldamdyqtan asyrmaýǵa jáne qajetti qashyqtyqty saqtaýǵa shaqyrady jáne talap etedi», delingen habarlamada.

Polıseıler avtokólikti júrgizý kezinde múmkindiginshe muqııat bolýǵa, jyldamdyq rejımin, qaýipsiz qashyqtyqty jáne manevr jasaý erejelerin saqtaýǵa keńes berdi.

«Júrgizýshiler úshin dymqyl asfalt edáýir qaýipti. Sonymen qatar túnde úsik júrip jatyr. Munyń bári kólikti tejeý ​​qashyqtyǵynyń ulǵaıýyna yqpal etedi, sondyqtan aıaq astynan manevr jasaýdan jáne kilt toqtaýdan aýlaq bolý kerek», dep atap ótti polısııa departamenti.

Jaıaý júrginshiler jolyna jaqyndaǵanda jyldamdyqty barynsha tómendetip, asa saq bolý qajet.

Al jaıaý júrginshiler joldan óter kezde qaýipsizdik sharalaryn saqtaı otyryp, baǵdarshamnyń ruqsat etilgen túsine ǵana júrýi kerek.  

«Aýa raıy qolaısyz kezde, jańbyr jaýyp turǵanda jaıaý júrginshiler jaqyndap kele jatqan kólikti kórmeı qalady», dep tolyqtyrdy Nur-Sultan PD.

О́tken táýliktiń ózinde elordada 65, jeksenbi kúni tańerteńnen beri 18 jol apaty tirkeldi.

Sońǵy jańalyqtar

Uqsas jańalyqtar