Aımaqtarǵa jumys babyndaǵy saparlary aıasynda Parlament Senaty Tóraǵasynyń orynbasary Qaırat Ishanov, senator Sársenbaı Eńsegenov pen Májilis depýtaty Jalǵas Dúısenǵalıev Atyraý temirjolshylarymen kezdesý ótkizdi.
Basty maqsat – Memleket basshysynyń «Qazaqstan joly – 2050: bir maqsat, bir múdde, bir bolashaq» Joldaýyn túsindirý. Depýtattar Qazaqstan Prezıdenti strategııalyq qujatta belgilegen mindetterdi iske asyrýdaǵy Parlamenttiń zań shyǵarý qyzmetiniń baǵyttary týraly áńgimeledi. Q.Ishanov ótken jyly Parlamenttiń qos palatasynyń depýtattary Memleket basshysynyń strategııalyq baǵytyn iske asyrýǵa arnalǵan 95 zań qabyldaǵanyn atap ótti.
Sondaı-aq, depýtattar Atyraý munaı jáne gaz ınstıtýtynyń oqytýshylary jáne stýdentterimen de kezdesti. Q.Ishanov osy Joldaýda bilim berý, densaýlyq saqtaý jáne mádenıet salasyna basa nazar aýdarylǵanyn jetkizdi. «Memleket basshysy HHI ǵasyrdaǵy damyǵan memleket – belsendi, bilimdi jáne deni saý azamattar ekenine toqtaldy. Olar eldiń jalpy básekege qabilettiligine yqpal etedi jáne birinshi kezektegi mindet bul salany úzdik álemdik standarttar deńgeıine shyǵarý bolyp tabylady», – dedi Tóraǵa orynbasary.
* * *
Bul kúnderi Parlament Senaty Qarjy jáne bıýdjet komıtetiniń tóraǵasy Rashıt Ahmetov pen senator Erbolat Muqaev jumys babyndaǵy saparmen Batys Qazaqstan oblysynda júr. Depýtattar taıaýda Zelenov aýdanyndaǵy Krasnovsk aýyldyq okrýginde boldy. Olar mektepte, otbasylyq dárigerlik ambýlatorııada bolyp, jergilikti turǵyndarmen kezdesti. Kezdesýdiń basty taqyryby Memleket basshysynyń «Qazaqstan joly – 2050: bir maqsat, bir múdde, bir bolashaq» Joldaýyn túsindirýge arnaldy. Jergilikti turǵyndar Nursultan Nazarbaevtyń Joldaýyn yqylaspen qabyldaǵanyn jetkizdi. Strategııalyq qujatta qazaqstandyqtar ómirin jaqsartýǵa basa nazar aýdarylyp otyr. Memleket basshysynyń tapsyrmasy boıynsha densaýlyq saqtaý jáne bilim berý salalar qyzmetkerleriniń eńbekaqysy, múgedektigi jáne asyraýshysynan aıyrylǵan jaǵdaıda beriletin áleýmettik járdemaqy ulǵaıatyn bolady.* * *
Parlament Senatynyń depýtattary Ikram Adyrbekov pen Muhtar Altynbaev elimizdiń Ulttyq qaýipsizdik komıteti Shekara qyzmetiniń Almatydaǵy akademııasynyń kýrsanttary men professorlyq-oqytýshylar quramymen kezdesti. Kezdesý barysynda Memleket basshysynyń «Qazaqstan joly – 2050: bir maqsat, bir múdde, bir bolashaq» Joldaýy turǵysynda áskerı qyzmetkerlerdiń kásibı daıyndyǵy máselelerin talqylady. Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy I.Adyrbekov elimizdiń Prezıdenti N.Á.Nazarbaevtyń «Qazaqstan-2050» Strategııasynda memlekettik egemendikti nyǵaıtý, qaýipsizdikti jáne aýmaqtyq tutastyqty qalyptastyrý basymdyqtar qatarynda ekenin atap ótti. «Ulttyq qaýipsizdik júıesin jetildirý maqsatynda sońǵy jyldarda Parlament «Qazaqstan Respýblıkasynyń memlekettik shekarasy týraly», sondaı-aq, ulttyq qaýipsizdikti jáne áskerı qyzmetshilerdi áleýmettik qorǵaýǵa baǵyttalǵan basqa da zańdardy qabyldady», – dedi ol. Senator M.Altynbaev óz sózinde Memleket basshysynyń «Qazaqstan joly – 2050» Joldaýynda alǵa qoıylǵan mindetterdiń biri jańa qazaqstandyq patrıotızmdi qalyptastyrý ekenin atap ótti.* * *
Parlament Senatynyń depýtaty Vladımır Redkokashın Astanada eńbek ujymdarymen, emdeý jáne bilim berý mekemelerinde kezdesýler ótkizip, Memleket basshysynyń «Qazaqstan joly – 2050: bir maqsat, bir múdde, bir bolashaq» Joldaýyn túsindirdi. Senator Ulttyq kardıohırýrgııalyq ortalyq pen Astana medısınalyq ýnısversıtetiniń ujymdarymen kezdesti. Ol bilim berý jáne densaýlyq saqtaý júıeleriniń aldyna álemdegi úzdik standarttar deńgeıine qol jetkizý jóninde aýqymdy mindetter qoıa otyryp, memleket osy saladaǵy mamandar áleýetin kúsheıtý úshin eleýli qarjy salyp otyrǵanyn atap ótti. Senator, sondaı-aq, Memleket basshysynyń Joldaýynda halyqty áleýmettik qorǵaý jáne qoldaý máselesi mańyzdy oryn alatynyna toqtaldy.* * *
Parlament Senatynyń depýtattary Mıhaıl Bortnık pen Baqtybaı Shelpekov jumys babyndaǵy saparmen Mańǵystaý oblysynyń aýdandarynda boldy. Senatorlar oblystyq máslıhattyń bıylǵy jyldaǵy alǵashqy sessııasyna qatysyp, «Qazaqstan-2050» Strategııasynyń negizgi erejeleri men Prezıdent N.Nazarbaevtyń Joldaýda alǵa qoıǵan mindetterine toqtaldy. Depýtattar shaǵyn jáne orta bıznesti damytý, jumys oryndarymen qamtamasyz ete alatyn kásipkerlerdi qoldaý qajettigine nazar aýdardy, sondaı-aq, aımaqty órkendetýdiń keleshegin talqylady. Ol birinshi kezekte kólik-logıstıkasy, onyń ishinde Aqtaý teńiz portyn, geologııalyq barlaý jáne memlekettik baǵdarlamalardy iske asyrý sekildi salalarǵa qatysty bolyp otyr.* * *
О́ńirlerde saparda júrgen Senat depýtaty Jabal Erǵalıev Aqmola oblysynyń Qorǵaljyn aýdany ákiminiń halyq aldyndaǵy esep berýine qatysyp, sóz sóıledi. – Qazaqstan halqynyń aldyna Elbasy tarıhı mindetter júktep otyr, – dedi senator óz sózinde. – Memleket basshysynyń ár Joldaýynyń tarıhı mańyzy bar bolsa, bıylǵy Joldaýdyń mańyzdylyǵy bizdiń barshamyzǵa Máńgilik El bolý ıdeıasymen asa mańyzdy. Qazaqstannyń 2050 jylǵa deıingi damý strategııasy elimizdiń áleýmettik-ekonomıkalyq qýatyn arttyrýǵa baǵyttalǵan basty ári negizgi baǵdarymyz bolyp otyr. Senator, sonymen birge, Qorǵaljyn gımnazııa mektebiniń oqýshylarymen jáne ustazdar qaýymymen kezdesip, jas urpaqtyń tereń bilimdi, elsúıgish rýhta tárbıeleý máselelerine nazar aýdardy. Senator kezdesý barysynda turǵyndar men mektep oqýshylarynyń kóptegen saýaldaryna jaýap berdi, dep habarlady Senattyń baspasóz qyzmeti.* * *
Májilis depýtattary Qazaqstannyń barlyq aımaqtaryna saılaýshylarmen kezdesýlerin bastady. Sapardyń basty maqsaty – Prezıdenttiń «Qazaqstan joly – 2050: bir maqsat, bir múdde, bir bolashaq» Joldaýyn túsindirý. Parlament Májilisiniń depýtaty, «Nur Otan» partııasynyń janyndaǵy Sybaılas jemqorlyqqa qarsy kúres jónindegi respýblıkalyq qoǵamdyq keńestiń tóraǵasy Qaıyrbek Súleımenov Eýrazııa gýmanıtarlyq ınstıtýtynyń stýdentteri jáne oqytýshy-professorlarymen kezdesti. Júzdesýdiń basty taqyryby – Memleket basshysy N.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýy boldy. Professor-oqytýshylar ókilderi men stýdentter ujymynyń aldynda sóz sóılegen Qaıyrbek Shoshanuly Joldaýdyń naqty praktıkalyq isterdiń baǵdarlamasy ekenin, onyń barlyq qazaqstandyqtarǵa, sondaı-aq, eń aldymen, zııaly qaýymnyń jetekshi ókilderi bolyp tabylatyn pedagogtarǵa da qatysty ekenin atap ótti. Q.Súleımenov EAGI oqytýshylary men stýdentteriniń kóptegen suraqtaryna jaýap berip, Májilistiń zań shyǵarýshylyq qyzmeti jaıynda da áńgimeledi, dep habarlady osy palatanyń baspasóz qyzmeti.
