«Aıqyn» aqıqatqa aınaldy

Elbasy Joldaýynda kásipkerlikke qashanda qoldaý bildirý kerektigin basa aıtyp keledi. Osyǵan oraı, «Aıqyn» jobasynyń júzege asqanyna kóp ýaqyt óte qoımasa da, onyń ómirsheńdigi aıqyndala bastady. Bul týraly Bas prokýratýranyń quqyqtyq statıstıka jáne arnaýly esepke alý jónindegi komıtetinde osy vedomstvonyń basshysy Sáýle Muhamedıanqyzy ótkizgen brıfıngte aıtyldy. Sonymen qatar, onda vedomstvo basshysy atalǵan jobanyń kelesi kezeńiniń de engizilgeni týraly aqparatty jarııa etti. «Aıqyn» jobasynyń ereksheligi sonda, azamattar men uıymdar Internet arqyly óz ótinishteriniń qaralý barysyn qadaǵalap otyra alady. Máselen, olar qujattyń jyljýymen jáne ol jóninde qabyldanǵan sheshimmen qatar qaralý merziminiń buzylý derekterin bile alady. Budan buryn da habarla­ǵa­ny­myzdaı, mundaı múmkinshilikke alǵash ret Kókshetaý qalasynyń tur­ǵyndary ıe bolǵan edi. Jurt­shylyq úshin tıimdi ekendigine kóz jet­ken soń bul joba birtindep júze­ge asyryla bastady. Mysaly, 2012 jyldyń shildesinen bas­tap «Aıqyn» jobasy Astana qala­syn­da ornalasqan ortalyq memlekettik organdarǵa engizilse, 2013 jyldyń sáýir aıynan bastap Astana, Al­maty jáne oblystyq deńgeıdegi ákim­dikterge berilgen ótinishter úshin jumys isteı bastady. Endi ústimizdegi jyldyń 1 qań­­tarynan bastap joba qalalyq ákim­dikter men oblystyq máslı­hattarǵa jáne oblystyq deńgeıdegi memlekettik organdarǵa engizildi. Joba engizilgen osy ótken 1 aı ishinde ǵana oblystyq deńgeıdegi memlekettik organdar derbes nómirleri bar 30 myńnan astam talon bergen eken. Jobanyń jumys tetigi óte qa­rapaıym. Memlekettik organ­darǵa óz qolymen ótinish tapsyrǵan aryz berýshi ony qabyldaǵan keńse qyzmetkerinen derbes 18 tańbaly nómiri bar talon alady. Odan keıin osy nómir arqyly mynadaı amaldarmen ótinishteriniń qaralý barysy jáne nátıjesi týraly aqparat ala alady: -8 800-080-7777 (stansııalyq). 1414 (uıaly) nómirlerine habarlasyp jáne operatorǵa talon nómirin aıtyp; 1012-ge talon nómirimen SMS-habarlama jiberip (barlyq baılanys operatoryna 15 teńgeden); Bas prokýratýra Quqyqtyq statıstıka jáne arnaıy esepke alý jónindegi komıtettiń http//seryise.pravstat.kz saıtyna kirip, «Memlekettik organdarǵa óti­nish­ter» bólimin ashyp, talon nó­mirin tańdaıdy. Eger joǵary­da atalǵan tártip buzylǵan jaǵ­daıda, Bas prokýratýranyń Call-or­talyǵyna 115 nómiri arqyly ha­barlasýǵa bolady. Al Komıtet pen onyń aýmaqtyq organdary qadaǵalaýshy retinde memlekettik organdarǵa berilgen ótinishterdiń qaralý merzimine turaqty túrde monıtorıng jasap otyrady. Mysaly, osyndaı monıtorıng nátıjesinde 2013 jyly mem­le­ket­tik organdarda 13 556 ótinishti qaraý merziminiń buzylǵany anyq­talyp, olar boıynsha 550 pro­kýrorlyq qadaǵalaý aktisi engizilip, nátıjesinde 860 adam, onyń ishinde ótinishterdi qaraý tártibin buzý boıynsha júrgizilgen monıtorıng nátıjeleri boıynsha 590 adam, olardyń ishinde 3-i sybaılas jemqorlyq úshin, 25-i ákimshilik jazaǵa tartyldy. Sóıtip, bul jo­ba engizilgennen beri túsken ótinish­terdi qaraǵan memlekettik qyzmet­ker­lerdiń tártibi de edáýir jaqsardy. Máselen, oblys ákimdikteri apparattary men onyń qurylymdyq bólimshelerinde merzimi kesheýildep qaralǵan ótinishter 48 paıyzǵa, al qaıtalama ótinishter sany 47 paıyzǵa tómendegen. Aldaǵy 2015 jyldyń 1 qańtarynan bastap bul jobaǵa qalalyq jáne aýdandyq býyndaǵy memlekettik organdar qosylatyn bolady. Azamattardyń óz ótinishterin kóbine poshta arqyly jiberýine baılanysty búgingi kúni «Qazposhta» aksıonerlik qoǵamymen óz hatyn tapsyrys boıynsha jibergen azamat­tarǵa talon berý jaıy kelisi­lýde. Jalpy, «Aıqyn» joba­sy­nyń engizilýi sybaılas jemqor­lyqty joıýǵa yqpal etip qana qoı­maı, ondaı áreketterdiń alǵy shart­tary­nyń da aldyn alyp, azamattardyń konstıtýsııalyq quqyqtaryn naqty qorǵaýdy qamtamasyz etedi deıdi. Aleksandr TASBOLATOV, «Egemen Qazaqstan».