Kezdesýge sondaı-aq, EO-nyń Ortalyq Azııa boıynsha arnaıy ókili Terı Hakala, EO-nyń Qazaqstandaǵy ókildiginiń basshysy Kestýtıs Iаnkaýskas, Eýropalyq syrtqy is-qımyldar qyzmetiniń Ortalyq Azııa boıynsha basqarmasynyń basshysy Dıtmaros Krıssler, Azamattyq bastamalardy qoldaý ortalyǵynyń basshysy Lıma Dıas jáne t. b. qatysty.
Qonaqtar Qazaqstannyń Azamattyq alıansy men Ulttyq eriktiler jelisi ornalasqan ABQO jańa ofısimen tanysty. Munda kez kelgen adam qandaı granttar júzege asyrylyp jatqany jóninde, túrli konkýrstarǵa qalaı qatysýǵa bolatyny týraly tegin keńester ala alady.
«Bul azamattyq qoǵamdy damytýdyń naǵyz ortalyǵy dep aıtýǵa bolady. Kez kelgen ÚEU ókilderi nemese azamattyq bastama tanytqan azamattar árdaıym osynda kelip, ony qyzyqtyratyn azamattyq salanyń barlyq máseleleri boıynsha tolyqqandy keńes ala alady», dep atap ótti A.Balaeva.
Mınıstr E.Gılmorǵa azamattyq qoǵamnyń zańnamalyq bazasyn jetildirý boıynsha júrgizilip jatqan jumystar týraly aıtyp berdi.
О́z kezeginde Eýropalyq tarap óńirlik qaýipsizdikti damytý boıynsha birlesken kúsh-jigerdi arttyrýdyń mańyzdylyǵyn atap ótip, eki taraptyń áleýetin damytýda ózara járdemdesýge nıet bildirdi.
Kezdesý qorytyndysy boıynsha qatysýshylar áriptestik negizde syndarly yntymaqtastyqqa ekeýara qyzyǵýshylyq tanytty.
Aıta keteıik, kezdesý Endrıý Gılmordyń Qazaqstanǵa sapary aıasynda ótti. Sapar baǵdarlamasynda EO-OA azamattyq forýmyna qatysý jáne Nur-sultan, Almaty qalalarynyń memlekettik organdary basshylarymen kezdesý de bar.
