«Birinshi. Ekologııa, geologııa jáne tabıǵı resýrstar mınıstrligine 9 iri sý qoımasynyń qurylysy men 120 kanaldy qaıta jańartý, sondaı-aq olardy sıfrlandyrý boıynsha Jol kartasyn ázirleý qajet», dedi Asqar Mamın Úkimet otyrysynda.
Sonymen qatar, Aýyl sharýashylyǵy, Ekologııa, geologııa jáne tabıǵı resýrstar mınıstrlikterine oblys ákimdikterimen birlesip, bir aı ishinde sýarmaly jerlerde 2025 jylǵa deıin sý únemdeý tehnologııalaryn engizý boıynsha aımaqtyq jol kartasyn ázirleý jáne jaıylymdardaǵy qoldanystaǵy gıdrotehnıkalyq qurylystardy, uńǵymalardy jańartý tapsyryldy.
«Úshinshi. Aýyl sharýashylyǵy mınıstrligi Almaty, Túrkistan jáne Qyzylorda oblystarynyń ákimdikterimen birge ylǵaldy jaqsy kóretin daqyldardyń (kúrish pen maqtanyń) egistik alqabyn birtindep qysqartý máselesin pysyqtaýdy tapsyramyn», dep qorytyndylady Premer-Mınıstr.
