Prezıdent • 05 Qazan, 2021

Q.Toqaev AQSh-tyń Qazaqstandaǵy elshisin qabyldady

201 ret kórsetildi

Memleket basshysy AQSh-tyń Qazaqstandaǵy Tótenshe jáne О́kiletti elshisi Ýılıam Mozerdi elimizdegi dıplomatııalyq mıssııasynyń aıaqtalýyna baılanysty qabyldady, dep jazady Egemen.kz Aqordaǵa silteme jasap.

Qasym-Jomart Toqaev Qazaqstan men Qurama Shtattar arasyndaǵy strategııalyq seriktestikti keńeıtýge qosqan úlesi úshin amerıkalyq dıplomatqa alǵys aıtty.

– AQSh-tyń elshisi retinde atqarǵan qajyrly eńbegińizge rızashylyǵymdy bildiremin. Qurama Shtattar – Qazaqstan Táýelsizdigin alǵash bop moıyndaǵan elderdiń biri. Biz muny eshqashan umytpaımyz, – dedi Prezıdent.

1

Memleket basshysy dostas eki el halyqtarynyń ıgiligi jolynda Qazaqstannyń AQSh-pen aradaǵy konstrýktıvti yntymaqtastyǵyn keńeıtýge beıildi ekenin naqtylady.

1

Ýılıam Mozer Qasym-Jomart Toqaevqa qoldaý kórsetkeni úshin alǵys aıtyp, elde júrgizilip jatqan saıası jáne ekonomıkalyq reformalardy joǵary baǵalady. Sonymen qatar amerıkalyq dıplomat Vashıngtonnyń Ortalyq Azııadaǵy turaqtylyq pen qaýipsizdikti qamtamasyz etýge nıetti ekenin jetkizdi.

Kezdesý barysynda ekijaqty yntymaqtastyqqa jáne aımaqtyq kún tártibine, sonyń ishinde Aýǵanstandaǵy jaǵdaıǵa qatysty ózekti máseleler talqylandy.

2

Áńgime sońynda Qasym-Jomart Toqaev Ýılıam Mozerge Alǵys hat pen arnaýly tósbelgi tabys etip, aldaǵy dıplomatııalyq qyzmetine jetistik tiledi.

11

Sońǵy jańalyqtar

Uqsas jańalyqtar