Ekonomıka • 05 Qazan, 2021

Bıyl Qazaqstanǵa $11,1 mlrd shetel ınvestısııasy quıylǵan

101 ret kórsetildi

2021 jyldyń I jartyjyldyǵynyń qorytyndysy boıynsha Qazaqstan Respýblıkasynyń ekonomıkasyna tikeleı sheteldik ınvestısııalar kólemi 30,4%-ǵa artyp, $11,1 mlrd qurady, dep jazady Egemen.kz.

Salalar bólinisinde sheteldik ınvestısııalardyń eń kóp ósimi óńdeý ónerkásibinde – 57,2%-ǵa, saýdada – 45,8%-ǵa, taý-ken ónerkásibinde – 27,1%-ǵa, kólikte 20,4%-ǵa baıqalady.

«Qazaqstan ekonomıkasyna kapıtal aǵynynyń ósýi barlyq negizgi ınvestor elder boıynsha  baıqalýda», dep jazǵan Úkimet basshysynyń baspasóz qyzmeti.

Máselen,  TShI aǵyny Nıderlandydan $3,3 mlrd (24,5%-ǵa ósý), AQSh – $2,1 mlrd (87,7%-ǵa ósý), Shveısarııadan – $1,3 mlrd (86,7%-ǵa ósý), RF-tan – $704,9 mln (17,0%-ǵa ósý), QHR-dan – $508,7 mln (63,7%-ǵa ósý), Belgııadan – $459,5 mln (4,3%-ǵa ósý), Túrkııadan – $388,7 mln (79,9%-ǵa ósý), Ońtústik Koreıadan – $233,0 mln (33,1%-ǵa ósý) qurady. О́ńirler bólinisinde eń joǵary ınvestısııalyq belsendilikti Atyraý oblysy – $3,6 mlrd (15,4%-ǵa ósý), Almaty qalasy – $3,0 mlrd (26,3%-ǵa ósý), ShQO - $1,3 mlrd (72,8%-ǵa ósý) kórsetti.

Oń dınamıka, sondaı-aq, Pavlodar oblysynda – $514 mln (21,7%-ǵa ósý), Qostanaı oblysynda – $496,4 mln (2,2 ese ósý), Aqtóbe oblysynda – $410,1 mln (53,2%-ǵa ósý), Nur-Sultan qalasynda – $308,6 mln (10,2%-ǵa ósý), Mańǵystaý oblysynda – $302,9 mln (98,8%-ǵa ósý), Túrkistan oblysynda – $137,8 mln (85,1%-ǵa ósý) Shymkent qalasynda – $64,1 mln (22,4%-ǵa ósý) baıqalyp otyr.

«El ekonomıkasyna sheteldik kapıtal men tehnologııalardy tartý Qazaqstan Respýblıkasy Úkimetiniń basym mindeti. Ulttyq ekonomıkany odan ári ártaraptandyrý jáne onyń ósý ornyqtylyǵyn arttyrý jónindegi maqsat sheńberinde Úkimet tikeleı sheteldik ınvestısııalar aǵynynyń qarqynyn jylyna $30 mlrd-qa deıin jetkizý jáne 2025 jylǵa qaraı negizgi kapıtalǵa ınvestısııalar deńgeıin JIО́-ge shaqqanda 30%-ǵa deıin arttyrý boıynsha júıeli jumystar júrgizýde», dep jazylǵan habarlamada.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar