Bul kópir – aýyl turǵyndaryn kópten tolǵandyrǵan másele. Onyń qajettiligi týraly túrli deńgeıdegi basshylarǵa talaı ret shaǵym aıtyldy. О́ıtkeni saıdan ótý ásirese mektepke, balabaqshaǵa baratyn 130-dan astam balaǵa qıyndyq týdyrdy. Jańbyr, qar jaýǵan kezde olar 1,5 shaqyrymdaı joldy aınalyp júrýge májbúr boldy.
Endi mine, shoqpartoǵaılyq turǵyndar kópir salý úshin qoldaýdy úmit artqan ákimderden emes, sheteldik ınvestormen birlesken kásiporynnyń basshylarynan kórip otyr. «Teńizshevroıl» JShS kópirdiń qurylysyna qajetti materıaldardy alýǵa «Qoǵamdyq keńistikter» jobasy aıasynda arnaıy grant usyndy. Kópirdiń uzyndyǵy – 35, al eni – 1,5 metr. Jaýyn-shashynnan qorǵaý úshin kópirdiń ústingi bóligi shatyrmen jabylǵan.
– «Qoǵamdyq keńistikter» jobasy kásiporynnyń áleýmettik ınvestısııalar baǵdarlamasy aıasynda júzege asyrylyp keledi. Jobanyń maqsaty – eldi mekenderdiń turǵyndaryna qoldanystaǵy demalys oryndaryn jaqsartýǵa nemese jańasyn ashýǵa qoldaý kórsetý. Osy joba arqyly Atyraý oblysynyń Jylyoı aýdanyna – 54, al Mańǵystaý oblysyna 35 grant berildi. Grant kólemi 2,5-3 mln teńgeni quraıdy. Qazir atalǵan jobanyń jemisin 16 myńnan astam turǵyn kórip otyr, – dep málim etti kásiporynnyń baspasóz qyzmeti.
